今次同大家介紹既就係灣仔既富德樓.... 唔好睇佢只係一幢平平無奇既住宅..... 內裡其實絕對係一個文青集中地..... 好....事不宜遲...即刻介紹..... 係點去呢.... 其實富德樓位於天樂里對面....如果您搭地鐵.... 你係TIME SQUARE 出口出.... 係鵝頸橋個邊沿住軒尼詩道行五至十分鐘就會見到.... 即同德大押旁邊.... 一入大堂您都會見到好有心機既指示牌...... 今次筆者會介紹3層.....總共3個地方..... 首先介紹既係貘記....佢係位於8樓.... 一入LIFT.....就會見到好多貼紙......真心覺得好有特色.... 去到八樓...一出去就見到已經有好幾個文青...... 地方雖然不大...但都幾舒服...... 咁岩啲排有一個展覽舉行緊叫做茶餐廳前傳.... 佢地展出左早期冰室同埋茶冰廳用品 包括食器、擺設、掛畫和卡位等舊物古董..... 點擊圖片放大 +6 對於由細到大都好鍾意冰室既筆者黎講...絕對係一個集體回憶...... 大家如果有時間都不坊去睇一下...... 除左有展覽睇...佢地亦係一間小型CAFE 黎.... 當然你唔好預期佢同普通既CAFE 一樣..... 啲度位置唔多...食物只提供部份既糕點..... 但質素同賣相絕對OK..... 但需留意因為店內座位不多,所以一定係先到先得.... 點擊圖片放大 因為筆者去個日咁岩好多人..所以筆者只係影左相.... 之後一定要去食番....啲個係新推出既香烤梨子蛋糕.... 真係望到都覺得吸引....... 點擊圖片放大 +2 啲度仲有一啲小飾物同陶瓷賣..... 大家可能都會慍到心頭好...... 但要留意...貘記唔係日日開.... 一定要上留番佢地FACEBOOK睇.... FACEBOOK:貘記 MAKEE..... 跟住筆者就上左一層....就係大家都唔會陌生既草原地圖工作室....... 筆者都覺得佢地好勁.....幾個志同道合既人搞到咁多咁有HEART 既活動出黎..... 佢地既工作室絕對令您有好RELAX 既感覺..... 佈置亦勁有心思...歡迎大家係度坐下,傾下計.... 仲要提供熱茶比大家享用...... 佢地亦提供紀念品供大家選購.... 但要留意...草原地圖亦唔係日日開.... 一定要上留番佢地FACEBOOK睇.... FACEBOOK:草原地圖LAWNMAP..... 點擊圖片放大 最後黎到14樓既藝鵠..... 佢除左係一間書店...仲係一個小型手作同展覽活動既場地...... 筆者見到佢地提倡慢活都覺得好開心... 啲度地方好大......仲有地方比你慢慢睇下書...... 點擊圖片放大 +2 筆者係啲度仲搵到林嘉欣本攝影集..... 啲度亦有一啲自家造既小手作以供選購...... 筆者係啲度又發現左一部雜誌扭蛋機..... 本雜誌叫蛋誌...30蚊一個.... 筆者都扭左一個.....本雜誌真係好得意....細細本..... 去到另一面....藝鵠亦提倡永續生活.... 所以佢地都舉辦好多相關既活動...... 大家如果想參加可以留意番佢地FACEBOOK..... 點擊圖片放大 +2 啲度亦提供自助既飲品服務....價錢亦都係隨心.... 自己入落鐵箱裡面就得....... 最後提下大家走個時要去埋後樓梯睇埋個慢活展覽先好走..... 藝鵠營業時間:星期二至日,12點至晚上8點...... 快啲約埋啲朋友星期六日去番轉啦......