好啦...潛左水三個月既作者終於回歸啦...... 見我打文梗係有好野介紹比大家..... 係啲段期間....不嬲係台痴既筆者又飛左轉台灣.... 一邊旅行去玩.....一邊寫BLOG唸住介紹好野比大家.... 今次係筆者第一次自己去旅行....同人一齊去就去得多..... 但原來自己一手一腳去聯絡民宿.....咖啡店......景點等... 其實係咁開心....因為一個人既旅程絕對會有n 個未知數.... 今次係筆者第一次住hostel.....其實出發前都有小小緊張... 唔係驚唔安全...而係話晒第一次.... 不過今次既高雄台南文青之旅.... 我保證介紹得一定係筆者自己試過既....所以請放心.... 今次去左一星期.... 頭兩日係高雄玩....大家應該唔陌生... 所以今次筆者盡力搵一啲比較少人去既地方.... 之後再去臺南嘉義離開大城市..感受下鄉村既美好..... 順便拜託台灣朋友帶我去玩.... 所以今次會分3 part ..... 第1 part 會介紹兩間係高雄既民宿.... 第2 part會介紹三日兩夜既文青遊.... 第3 part會介紹台南嘉義一啲不容錯過既好去處..... 事不宜遲...即刻開始..... 今次為大家介紹既第一間民宿..... 啲一間民宿絕對令您有一種好似家一樣既感覺.... 佢係位於玉竹商圈裡面一幢有53年既老房子.... 佢個名叫同.居With Inn HosteL 咁即係點去: 同.居位於高雄市新興區文橫一路5巷28號 搭捷運到中央公園站(R9)....之後係2號出口出 →左轉 五福路(行經 大統新百貨)→ 左轉 玉竹三街(麥當勞旁邊)→第一條巷子右轉後前行 →同.居With Inn HosteL(步行時間約3分鐘) 民宿係由一對夫妻經營.... 佢地幾乎保留左台灣古老建築既全貌.... 但又增添左好多藝術既色彩..... 因為民宿老板好鐘意同唔同既藝術家合作.... 雖然您一走出門口已經係購物圈裡面..... 但放心,您一入番去又會令您有一種寫意既感覺.... 打開門之後您會見到好多唔同顏色既小佈置....... 仲有筆者最愛既小草地.... 真係令人心情舒暢...... 牆上既塗鴉就係其中一個藝術家既作品.... 民宿主要有三層....地下係食早餐.....傾計既地方...... 民宿採用開放式廚房...仲有小型BAR 台.... 而且民宿老板都係住係二樓.....所以有咩問題都可以搵到人幫手..... 筆者亦好多謝佢地幫我整理一下我個行程.... 先可以更順利去到每一個景點.....而且佢地真係即刻幫您搵資料..... 而且佢地仲擺左好多活動既資料....例如BAND SHOW....等等 加上民宿老板為左大家認識到唔同既朋友... 佢會係民宿裡面搞一啲飯局.... 好似筆者去到個晚就帶左成班背包友踩單車夜遊高雄..... 筆者因為去左搵左朋友,所以無參加到.... 聽其他背包友講真係好好玩.....筆者都唔知幾後悔..... 所以大家如果咁岩撞到一定要參加...... 係未上去一樓之前.....大家都可以係牆壁上留下自己想講既說話..... 下次再入住時....一定有一種好窩心既感覺..... 民宿分左背包客房間同雙人房間... 筆者今次入住既女生宿舍共有六個床位.......十分整潔.... 而且床頭都有小燈.... 不過提醒大家...房燈會係晚上十一點關大制... 因為民宿老板都唔希望大家 因為太晏返而影響到其他人....... 而且晚上門口大閘會設有密碼...以保障大家既安全..... 洗手間亦都好乾淨.....亦都只係女性專用..... 再上去就係民宿夫婦既房間同男生宿舍..... 外面仲有一個小型天台同男性洗手間....... 筆者好好彩...去旅行個段時間都好好天.... 您試唸下...一朝早可以懶洋洋坐係度嘆杯咖啡係幾咁嘆..... 點擊圖片放大 民宿亦種植左好多盆栽.... 天台亦設置洗衣機.....可以順便曬埋......一個下午已經乾晒..... 每一日民宿老板娘都會好用心整早餐....除左賣相吸引外,個一份心意 完全感受到....分享比大家睇下筆者入住個兩日既早餐..... 大家睇到係米都好想食呢....... 點擊圖片放大 +2 筆者今次之後真係上左癮...我相信之後我都會搵民宿住..... 除左得到最美好既時光....最大得著仲識左一班台灣同香港既背包友..... 筆者十月又約埋其中一個人去台東啦...... 所以大家如果想义下電,又想感受下台灣老房子既暖暖人情味... 同居一定係你最好選擇...... FACEBOOK:同‧居 高雄With Inn Hostel INSTAGRAM:WITHINNHOSTEL