宜家好多人都因為有電子書,I-PAD而忘記左究竟攞本書係手係咩既感覺... 今次就等我介紹一個可以好寧靜甘睇書, 又可以尋到寶既地方比您地啦, 包括筆者自己都覺得文青一定可以好好甘閱讀又可以買到心頭好既地方... 哩間COFFEE SHOP 叫COFFEE BOOK 到哩一刻您可能會唸....車... 大把大型書店都有類似既咖啡店供人閱讀啦 有咩甘把閉先... 好... 甘我而家開始介紹比您聽啦..... 首先,佢地既營業時間係一至日既早上11:00-晚上7:00 點去.... 可以係金鐘既太古廣埸,搭23號巴士去到般咸道既正街落車... 落左車,向左行過對面馬路,沿右手邊聖士提反女子中學方向往上行 就會見到哩間COFFEE BOOK 既標誌 紅磚牆 點擊圖片放大 +2 入到去,其實只係得5張枱到,因為大部分都係擺二手書,二手VCD,DVD, 什至教科書,小說 我見到中英文都有,上至英文小說, 下至本地歌手或外國BAND既CD,都有,亦見到好多 港產片, 搵唔搵到好野,睇下您肯下幾多EFFORT 啦,價錢亦唔貴, 十幾至百幾不等就有交易.... 店員得一個男仔,佢好有心機用英文字頭去排啲書 好坦白,因為佢地主打唔係食物,所以唔太多選擇,但價錢十分抵..... 45 蚊可以撰CAKE SET(得一款) / 意粉SET /已包一杯野飲..... 佢唔太會趕您走,而且書藉隨便自己攞黎睇....不過睇完一定要有手尾...... 我同朋友叫左兩個意粉SET.....味道絕對可以接受 仲叫左一件芝士蛋糕SHARE 食.... 仲有不收SERVICE CHARGE......一個字抵啦 好多學生都黎做下ASSIGNMENT..... 筆者就睇下書,影下相,幾寫意 最後梗係要係塊玻璃窗前扮下野.... 兩人埋單只係123蚊,您地話啦,無介紹錯呢....