2017年3月7日 裸辭後,我去左俄羅斯+波羅的海三國共27天旅行(1半時間獨自遊,1半時間join朋友),真係爽歪歪到不得了,不過事前其實好緊張,因為網上聽不少拎HKSAR護照的人由俄羅斯經陸路入境波羅的海3國都會有阻滯,因為特區護照不用簽證,雖然比起其它國家護照真係方便好多,但因為海關不是個個操良好英文,佢地見你拎住華人護照,通常會以為你漏左無簽證,而我係隨行隨PLAN行程,只BOOK左頭幾日的住宿,1張來回機票,that"s all! 所有車票未買,因此更加多阻滯,首先在香港機場已經遇到第1次的盤問.... TIPS:print定可以證明特區護照免簽證的證明文件(英文版),如果可以翻譯成俄文就更好,以免入境波羅的海時用英文溝通不了都可以隊張證明佢自已睇 http://www.immd.gov.hk/eng/service/travel_document/visa_free_access.html 首先香港機場check in 時被問了一大堆問題,拿了我所有itinerary 看完又看再複印。 「你知道香港護照只可留俄羅斯14天嗎?但你一個月後返港?」 「我知,我中間會去estonia」 「你比晒你book左既野我睇」「你未book晒住宿?」「你搭咩去estonia? 未訂?你比你itinerary我睇下」 由香港搭左13個鐘機到阿姆斯特丹機場(與香港時差7小時),等了4個鐘再轉機去莫斯科(與香港時差5小時),飛左3粒終於鐘莫斯科時間4am先到步。累到顛左,時差到好混亂,在荷蘭轉機時地勤又係甘查我啲itinerary ,打左4次電話問上問先ok,真係搞到我好緊張,佢叫我最好買定14日內會離開俄羅斯的交通,show比莫斯科果邊睇,不然未必比我入境,於是我又9秒9即刻用iphone訂由St Petersburg -> Tallin 車票.....睇到我眼都矇.... 入境莫斯科時反而又好順利,可能趕住收工呀佢。4am到步,咩交通工具都未有,唔知點解我會上左架的士,後來諗返其實等地鐵第1班車會安全d,btw我係安全到達hostel,而且的士伯伯重好好人,幫我搬行李上樓梯送我到hostel reception。 去到hostel門口,係好隱蔽的住宅式入口,天又未光條街又靜又黑,好鬼驚,按了3下門鐘終於有人認門(資料說24小時reception service),一上去見到reception個樣,好明顯係從睡夢中爬起來認門,睇得出佢想殺左我,甘Q早6am嘈醒佢,佢木無表情幫我check in ,准我6am提早入房休息!重默默幫我搬29吋喼上3樓!全程keep住普京甘既樣,但係gentleman ge! 間hostel(Godzillas Hostel)好warm張床訓得好舒服,每層都有pantry同浴室,好乾淨,離最近一個地鐵站行3分鐘左右,不過呢條short cut way要問reception,睇google map未必知HAHA,條short cut平時勁多當地居民行,好安全,沿途重有間mini supermarket,有好好飲的氣泡酒。離大站地鐵站行10分鐘左右都算方便。 隻士多啤梨味氣泡酒勁好飲!!!重有超抵食的魚子醬!!!!YUM YUM YUM!我食上癮! 坐左十幾個鐘機,終於可以沖涼,訓到下晝,接埋從德國來join我的朋友又出去玩 (待續)