石垣島的Day 2計劃去小浜島day trip,由於太懶懶閒地食左個早餐再睡回籠覺的關係,我地miss左一班船,於是決定在石垣島珈琲廳食埋個午餐先行去碼頭 石垣島來回小浜島有兩家船公司的船可到達,比起竹富島每半小時有一班,去小浜島的船比較疏 去了這裡食左個午餐 お食事処 珈琲亭 (地圖) 開放時間: 11:00-16:00 (星期二休) 完全是我最喜愛的舊式珈琲廳,店內全是日本人。 牛肉漢堡咖哩飯,沒有特別。 特製豬軟骨八重山麵,豬軟骨好淋好入味,香港未食過甘正的豬軟骨。 叫左石垣島產手沖珈琲,好純好醒神。 連餐牌都影埋人ge xddd 自已睇啦~無中文英文餐牌家。比錢時,老闆問我"FROM HONG KONG? " 嘩, 即刻好驚。究竟我們做了什麼失禮的行為令佢一睇就知我地香港黎? 無理由喎,我地甘比面叫左佢最貴的珈琲,又食晒所有飯飲晒佢d珈琲,連明明好苦好青的有機菜我都生吞晒,比足面佢地........究竟我們做錯了什麼???? (R爆頭) 食飽左步行去碼頭再搭40mins船就到小浜島。 我發誓d相我無調過色,d海水真係粉藍色好靚家,果日已經算有d陰天,無乜陽光,海水都已經甘靚,烈日下反射應該更美吧!!! 由於我地遲左入島,成3pm先開始踩單車,一出碼頭就有2家單車舖,揀左間d單車靚d新淨d的來租。佢係hourly rate計租。由於小浜島地形是勁多斜路,所以租左電動單車,就是隨時可開關電動功能,一上斜就開,踩得勁輕鬆,唔好講笑,幸好租左電動單車,否則真的鐵人賽選手先可以踩得晒成個小浜島! 而且你一邊踩又一邊要望風景,又要影下相,加多少少錢踩電動單車是唯一正確的選擇!!! 首先租車店會給你一張地圖,而且會教你點行點行,我想講我們拿著張地圖反而盪失路,反而拎住google map,或者周圍踩,更自在更舒暢,因為小浜島真的很細,無論點樣踩總會返到去碼頭。 點擊圖片放大 踩在路上,真的有種整條大路都只屬於你的感覺。很爽很舒服 點擊圖片放大 偶爾還會遇到在甘蔗田工作的婆婆們,播著激昂的沖繩民歌 (?) 還有跟走在路上的居民說"kong lee chi wa" 。還有跟迎面而來的自駕遊司機點頭示好,實在太peaceful了 ! 叫我怎麼回去殘酷的香港社會???? 由3PM踩到5PM 我們其實踩了半個島,中途還不停停車影相,還遇到好可愛的羊羊。 這隻小羊羊,我懷疑是人扮的,超級有人性,會走來痴住你玩,重係甘用頭頂我地架單車,重識望住我的鏡頭微笑!!!! 再見了羊羊,最衰我地太遲入來,無甘多時間陪你玩。下次回來希望再見到你。 (heart) 5PM還左車後去左海邊,痴線家! D海水清到好似透明甘!!!!! 不過海水超級凍,好彩決定唔去浮潛。 聽~海哭的聲音~ 個海灘又是無人的。 有好些bloggers都說去石垣島,必遊竹富島,因為有水牛車及歷史房屋。但我個人比較喜歡小浜島,首先我看到水牛車的第1個感覺是很不忍心,見到隻牛好痛苦甘拉住車上十多人行走,見到都覺得辛苦,我寧願腳指行破皮都唔會坐它的水牛車。又可能竹富島當天一直下雨,島上毫無生氣,而且有名的星沙灘不夠美,就只有星沙有點話題而已。 小浜島絕對是值得單車環島和參加水上活動的小島。