上年10月去完沖繩自駕遊,今年又因為買到$500連稅來回石垣島機票,又去了沖繩群島 - 石垣島,因為有所比較,所以可以比較到石垣島是否好玩啲,同埋4日行程有咩玩,重點是究竟$500蚊機票係咪真係甘抵去??? 住宿 2月份的石垣島理應不是旺季,因氣溫雖然有20度,但海水仍然好冷,水上活動並不活躍,可是我們1月份訂酒店時發現房價並不便宜,首先選擇已經不算多,比較便宜的airbnb或酒店離市中心比較遠,不是自駕遊的我們很不方便,所以捱貴房住左離碼頭5分鐘路程的 Hotel Patina (1晚twin-bed room HK$800左右) 它的所有配套我比滿分,完全沒有挑剔的地方 Receiption有好多local tour單張,也有餐廳介紹及地圖資訊 還有免費任飲的咖啡及茶及熱水(不用自已煲水真的很方便) 如果要挑剔的話是枕頭吧,朋友說太扁,但我還好 還有個露台可以曬衣服 窗口外邊看到海,住了3晚沒有開冷氣,打左露台及窗口的窗吹著海風超越舒服,雖然近海但不會潮濕。 每朝有免費又好吃的早餐,連yogurt重有好多款選擇,重有當地野菜汁,每天都有白飯味噌湯,面包,小菜,生果吃。 Reception的員工也略懂英文,簡單問答沒有問題,所以有機會還會再入住。 個人建議住在碼頭及公設市場比較方便,石垣島裡只有那邊多野食同行,其它地方都很荒蕪,haha 交通 曾經有考慮過自駕遊,但我們只有2個人租車有點貴,而且有兩天其實我們會去附近群島玩(竹富島及小浜島),真正在石垣市的時間不多,所以決定搭巴士。 買了2000YEN任搭巴士package,由機場去碼頭都用左510yen,來回機場都1020yen,如果有打算去遠一點的燈塔,買2000yen任搭是幾抵的。上巴士時向巴士司機購買就可以,巴士上會有海報,指給司機看就明白了。 由機場搭巴士去碼頭有4號和10號車,每半小時一班,一出機場就見到 至於的士,我們晚上在MaxValue買完野已經無晒巴士,行返去又要30分鐘,條路又黑,所以搭左的士,雖然說比東京搭的士便宜一半,但起標都430YEN,每次跳標印象中是40YEN,好印象深刻是比香港搭的士貴一倍,我們一邊睇住佢跳標一邊心跳加速,因為今次只想窮遊石垣島,不想洗大左 XP 由於石垣島旺區只集中在碼頭和公設市場一帶,交通亦好簡單一定係自駕或巴士,呢個都係想去short trip又怕煩搭車轉車搵路的朋友的最佳選擇。 Hong Kong Express 行李費好嚴謹 從香港直航飛石垣島暫時只有Hong Kong Express,點解我甘肯定? 因為成個石垣島國際機場只有Hong Kong Express 1個航空公司,反而旁邊的內陸機場大很多熱鬧很多,重有好多手信店買。大家回程時不要搞錯了。 $500連稅的來回機票的確很抵,如果再搵到甘平機票都值得來4天旅行,但切記手提行李不要超過7KG+手提包2KG = total 9KG 我回程時手提行李加袋10KG,已經不行,加上朋友total12KG,佢要我地比$390買1個最平的check-in lugguage,非常嚴謹。除了我們,見到其它旅客都是這樣被檢查,一片混亂 (因為要再un-pack)。 石垣島美食 你問我沖繩和石垣島最大分別是什麼,應該是美食吧。唔好搞錯,我是覺得沖繩美食多好多,石垣島食過甘多餐,酒店早餐是最好吃的了,HAHA。而且我在石垣島吃的石垣牛竟然比我在沖繩吃到的石垣牛遜色!!! 還有出名的八重山麵,我吃過最好吃的是沖繩市的百年老店新山食堂,石垣島食了無數次的八重山麵都覺得沒有靈魂。 而且八重山麵其實跟香港的車仔麵油麵很似,如果你的湯煮得不好,豬軟骨不入味,真係好似食緊車仔麵。加上石垣島的食物選擇不多,黎黎去去都是果幾款,所以更加想念沖繩。如果想享受美食的話,不建議去石垣島。不過,還是有些值得推介的東西。 這一包我覺得必買,其實是石垣牛肉的蝦片,在公設市場會有得試食。我同朋友都覺得好好食,好惹味。而且一包好輕,唔會佔好多7KG quota! 這一枝石垣島出的啤酒好好飲,重有黑色和藍色的,最後一晚只買了一枝來試,紅色這枝很香麥味好好飲。比Onion啤酒好飲。 (Orion是沖繩啤酒) 這間就在碼頭對出的菓子店D手信都好靚而且好好食。 這一款黑糖味的表面舖滿類似瓜子的果實的脆餅好好食。 這款用了石垣之鹽的長命草菓子 (類似杏仁餅甘)也是好好食一定要做伴手餅。長命草聞說每天吃一些就能延長一天壽命。這款長命草味菓子夾雜左好香芝麻味,我的最愛。 這款原味菓子我都中意食。 這是在公設市場附近的海塩雪糕 就是買一杯牛奶雪糕,然後自已任試不同味的塩,我地試暈晒覺得呢幾隻最好味。係幾得意幾好玩的,2個人可以買一杯試下。 石垣牛burger,見很多台灣人推介所以買來試下,由於買完後唔係即食,包皮已淋左,熱食應該更好味,都係果句石垣牛還是在沖繩吃比較好吃haha 可能台灣人講到天上的味道甘好食,加上成80蚊的burger真係有D肉赤,所以並不覺得想像中甘正。 這是在一家舊式珈琲廳飲的石垣島咖啡豆手沖咖啡,它是堅得,比起廿幾蚊一杯的咖啡,飲左佢整天都好醒神但又不至於令人胃痛,有些好強caffeine的咖啡飲左會作嘔或胃痛,但這一杯很乾淨很純但很醒神,飲開咖啡的人你明我講咩啦。 同一家珈琲廳食的八重山麵,是成個trip食過最好吃的了。雖然碗湯仍是沒有靈魂,但豬軟肉真係勁好味,好淋,湯汁入晒肉裡。 這應該是大部份人必入手信吧?石垣島辣椒油。由於還未有機會試到,所以未能評價。 Day 1 - 公設市場,MaxValue ,石垣屋食燒肉 點擊圖片放大 Day 2 - 小浜島 【小浜島】踩單車環島無難度 Day 3 - 竹富島 (tbc) Day 4 - 1PM機回港