去旅行我最驚一樣野就係miss左原定巴士或火車,尤其是如果你去一些比較偏逺的地方或搭長途車,miss掉一程車可能又要從新付錢或必須再等一段時間才有下一班車到達.,而這些打亂你原定計劃的事情通常當下會感到很無助...而偏偏你越害怕的事情,就是會發生響你身上...... 2015年12月13日當天一早天未光,由於怕吵醒roommates,我把所有行李拋出房外的走廊才慢慢收拾,然後在廚房煮早餐,非常满心期待接下來的奧地利之旅。 一邊食早餐一邊發現身體多處淤傷,應該是搬抬行李時撞到,唔講重以為比人歐打完..... 由Budapest去Vienna的巴士我一早在香港時找到OrangeWay超便宜只需EUR7的車票。我7點左右出發搭SUBWAY到達Nepliget站,出站後極度迷失,因為很多個出口而且所有路牌都是匈牙利文,而我的巴士e-ticket也是匈牙利文,我搵暈幾百個出口的牌都無圖下我車票的地方名 而望暈所有出口牌,只有大大隻字寫有EUROLINE的巴士站,於是我去到EUROLINE巴士站再問站裡職員,他指著馬路對岸叫我落隧道過對面搭。我拖著29"行李又落又上了隧道來到下面的地方.......... 此時我已經凍到硬左,我實在唔明Budapest點解甘凍,又大霧又凍又無陽光,當時大霧到比起張相更加矇,本來連這個建築物的樣都睇唔到!!!我望暈都唔似有巴士站,此不知名建築物又未開門。突然間!有1個男人從霧中出現! 比著平時,我應該會驚對方想打劫我(被害妄想症)而走開,或拒絕同佢交談!但當時實在太lost周圍又乜人都無,想搵人問下路都難!佢見到我甘lost又流晒眼淚(我唔係喊,而係太凍而且d霧令到對眼不停淚如湧泉!)佢第一句就同我講can i help you? dont cry 好樣衰!佢應該以為我當失路驚到喊!妖! 而當時都快8:30am,心急如焚,再搵唔到邊度上車點算??我比張TICKET佢睇,佢話佢平時成日去維也納都係響對面搭EUROLINE,這裡是足球場,沒有巴士站! 下? 我話EUROLINE d人叫我過黎的,但佢堅持係響對面搭(即係EUROLINE巴士站)!!!!! 甘我唯有又落返隧道過去EUROLINE巴士站!當時搬行李搬到手臂快要廢掉的感覺! 再問多次EUROLINE職員,佢默默甘拖住我行李箱,叫我跟佢行。。。。。。於是佢又帶返我黎呢個足球場。。。。 當再次要上落隧道時,職員帥哥重一手就抽起我個GEEP ! 會否太有型呀佢!? 然後他指向足球場旁邊一條柱!(本身10分鐘前重大霧到咩都睇唔到家下) 然後,我見到真係有條柱,即係下圖左下角有條橙色label ge 柱..............他媽的!條label就係寫住OrangeWay家啦!幸好當時都只不過係8:45am巴士應該未黎,我就一直站著一邊食西北風一邊等.... 等到9:15AM實在好唔對路!點解等極都係得我一條友?而通常外國的巴士都很準時開車,點解連個影都無? 此時又出現1對韓國情侶!我立馬上前問他們是否也搭Orangeway。佢地話,昨晚原定買了票搭10PM的Orangeway,但等到11PM架巴士都無黎,因為OrangeWay如果太少人搭,架車係會自動除消的!what the hell????????而韓國情侶就被迫在布達佩斯住多一晚,今天來orangeway車站旁的service counter想拿refund,可是counter要10am先開。我們一邊食西北風一邊聊天,他們已經在europe背包旅行了數月,接下來會去北歐,真是太有型了!期間他們幫我上網查到11:xxam有euroline巴士去維也納。超級好人! 由於當時實在冷到再多一分鐘我都會暈低,所以等不到counter開門我就走返去euroline車站買車票,大約EUR20單程去維也納!在車站買了一杯咖啡和三文治,三文治重即時幫我加熱,好溫暖好幸福簡直要落淚again T_T 我安頓後,就即刻通知台灣朋友,因她也是買了12月14日搭Orangeway去奧地利。而果然,她當天的Orangeway也是自動除消了......... =_= 最後,講返orangeway的refund事宜,回港後我就立馬電郵去要求退款,雖然對方公司已道歉及確定會退回EUR7給我,但直至今天3月,我係仍未收到退款的。所以話貪平真係要承擔風險 XD