2015年12月16日 這裡是我今次歐遊最最最期待的地方,奧地利的Hallstatt。旅行過很多地方,曾經有些地方是親身到過後係會失望而回,而Hallstatt是少數令我不枉此行! 由於從維也納坐火車來Hallstatt的過程有D tricky,所以之後會另寫一篇交通篇。 Hallstatt雖然是一個很細小的村莊,你可以話無乜娛樂又要山長水遠轉車再轉車先黎到,旅行天數已經唔多,係咪可以skip左唔黎呢?錯~ 我覺得奧地利最值得黎既地方一定係Hallstatt,實在太似童話世界,尤其我地呢D住響石屎森林的香港,能夠來到這種慢活又簡樸的小村莊住上一天(at least),坐在湖邊看天鵝在游來游去,雲霧在山澗飄過,sorry,我詞窮,真係唔識形容果種無比relax的感覺! 所以有朋友黎緊會去奧地利旅行本身猶豫去唔去Hallstatt好,覺得好遠又唔方便,我直接幫佢搵埋搭車時間表,都極力推薦佢要來 XD 這是我到達hallstatt站下了火車行去搭船入村莊時看到的風景,果種震撼真係現場睇到先會明!有點可惜當天天氣不太好。 住宿方便我book左Gasthof Pension Grüner Anger(EUR60.5/single room/night),本身因為大部份旅館都fully booked甘制,焗住要book呢間,但又比我扶碌住到間好溫暖又乾淨的旅館。原本想住2晚,但得16號1晚available! 雖然佢離ferry station要行10分鐘左右,但佢就響Bus station及information centre附近,我回程搭巴士去Salzburg時好方便。而且好些小鎮的旅館都在山上,需要走好幾級石梯,這間旅館在平路上,不用上樓梯! 我住左好幾晚share-room終於有晚可以豪一次住single room啦,當晚即刻一覺訓天光,不再因heater熱醒,因時差訓唔著啦! 早餐buffet是免費的。 點擊圖片放大 晚餐則是optional的,但要當晚6時前訂檯,這是hallstatt出產的魚我忘了名字,大部份餐廳都有得食。味道有D似三文魚但更滑! 值得一試~ 好喜歡旅館的裝飾,在小小擺設上都看出主人的心機。很有聖誕氣氛好舒服! 在hallstatt逗留了兩天一夜,就只是逛下每間小店,坐在湖邊發呆,本身想去參觀埋鹽礦(因為出名),但天氣太冷又周不時下雨,就沒有去了。(這種HEA到爆又非常隨性的旅行方式真的只能獨個兒才會做到XD 我跟朋友去旅行又是另一個MODE) 點擊圖片放大 +5 好中意每間屋的窗同牆身的裝飾及設計,全部都好靚好特別,每一間都有個人特色! 加上12月充滿聖誕氣氛呀! 點擊圖片放大 +5 每間屋都好似小矮人既屋囉!!!!!! 點擊圖片放大 +2 我來生,真係想做呢度GE鴨呀! (而睇完D相GE朋友回應我,佢要做我旁邊GE雞! 何來有雞呀呢度? XD) 點擊圖片放大 +4 呢間cafe derbl係旅館老闆介紹我黎食ge,o係正教堂附近,不過個村真心好細,基本上你行行下都會見到呢間野,唔洗特登搵。我又食hallstatt出產ge魚呀,HAHA~因為而家唔食遲D好難食到家啦!所以有得食就食,HAHA~ 而家諗起都想再食呢隻魚呀,奧地利啲餐廳幾岩我胃口(比起匈牙利),痴線連D普通焗薯仔都好味過人! 酒同咖啡又平又好飲 ! 最後黎一張又係我好中意GE風景,此處係搭巴士去Salzburg中途落左車影的! 現場睇真係好stunning ga!