【2017年旅遊BLOG紀錄】 2017.06.23(五)~DAY2(上午)~明知未病好‧偏向釜山行5天の旅 ####################### 上半晝行程 ####################### 早餐: 尋晚買既蛋糕巻 午餐: 札嘎其市場 - 食海鮮 * * * * * * * * * * * * * * * 景點: 甘川洞文化村, 札嘎其市場 ####################### * * * * * * * * * * * * * * * * * * * ** * * * * * * * * ** * * * * 因為啲相實在太多, 分開上半晝同下半晝POST啦~瞓醒後精神爽利, 但喉嚨KEEP住超級痛~ 今日7:00起左身, 因要早出門, 所以簡單喺房食個早餐, 就起行吖~ 有空檔, 睇吓電視先~ 做緊超人回來了~ 混血BB, 好攪笑~ 8:45度, 出門啦~鎖好門先~近門口有咖啡機免費飲用。 今日先從南浦洞(111)搭2個站去到土城(109) , 跟住坐巴士去甘川洞文化村! 8:53去到月台等車自拍中....... 差唔多9點我地去到土城站了, 往6號出口 事緣喺地鐵站已見到有兩個女仔, 應該係去甘川洞, 所以跟住佢都冇乜錯, 行喺佢地後面。 其實喺6號出口, 直行去到巴士站。 可以搭1-1號, 2號, 或2-2號小巴, 或者喺小巴上印有甘川洞文化村都到。 藍色框就係甘川洞文化村 話咁快, 巴士到啦~ 就係呢架~ 2號車, 車身有大大隻字, 放心上車啦~! 車費呢程一般數1000won, T-money就900won / 人, 約HKD 6.3 嘩, 好多好多斜路。 大概5-7分鐘車程~ 話咁快就到啦~ 呢度有個大MAP, 不過我地冇買MAP儲印仔, 隨心咁行啦~! 呢度係個入口。 喺入口處附近, 已有一個影相位, 見到好多顏色既屋仔, 好靚吖~ 主題「融為一體」影相位 其實佢係有三個人。 連條路都好有心思。 上「天脊」睇吓先~ 長長既樓梯~ 天氣好好, 冇落雨吖~! 魚吖魚~~ 排隊影相啦~! 呢條街有啲商店同CAFE 呢間都係CAFE 屋頂既雀仔好得意, 好COLOURFUL! 呢個鐘數啲人尚算唔多 有店舖賣手巾仔 PINKO PINKO! 可以寄POSTCARD既地方 好似唔同顏色既積木咁, 好有特色 喺天脊影落去既VIEW, 好開揚, 但好晒~! 落埋大路, 沿路好多賣紀念品同手作既商店,呢啲鞋仔好得意~ 真係每一處都係影相位 賣靚靚燭台~ 好海洋FEEL, 喺濟州見過~ 呢隻豺狼眼神好奸吖~! 好有心思既餐廳外觀~ 好得意既褲陣。我獨愛大媽花褲, HAHA 呢啲係紙做的~好別緻~ 不過中國人送俾人, 鞋鞋聲, 好似唔係咁好,所以得個睇字~ 好得意既屋仔~ 呢個壁畫好WARM! 實不相瞞, 佢係一個廁所 賣橙汁~ WOW, 帥氣的小王子 手繪既釜山地圖~ 呢間其實我唔知係咩黎~ 真HOTEL??定俾人影相既地方, 但又寫住「外部照一照, 500韓幣謝謝你....」 呢度都畫滿畫~ 右下角座BUILDING好得意喎, 唔知咩黎既呢? 遠望到入口既地方,原來我地行左咁遠了~ 行左差唔多一個鐘了 10:46啦~! HAHA,封你咀~ 粗重野, 我黎啦~ YEAH, 終於見到你啦~ 小王子~! 你睇, 要排隊影佢呢~ 好彩唔係排左好耐啫~ 排左5分鐘度啫~ 不過影完唔夠喉~ 於是選擇再排過~附近店舖主人唔希望阻住佢做生意,於是叫排隊既人, 去另一邊排。 小王子既眼神好憂鬱 , 望咩呢? 呢次要等耐啲啦~因為人多左~排左15分鐘。 同埋有小插曲......排我地前少少有班應該係香港人既年輕男女.....明知咁多人排隊 但仲要非常好意思地影超多張, 一個影完, 又話要補影, 又話要轉造型動作再影... 眼見都有啲啲忟......點解香港人反而去到外地都係做啲唔抵人幫既事。唉~ 不過算啦~ 無謂影響自己心情。我通常遇到呢啲分秒必爭既情況, 我通常都會諗定擺咩POSE好呢??? 都會同幫我影相既朋友溝通定 「嗱...陣間我擺好左你就123,影, ...你話得, 我就轉第二個POSE,...」 於是好快手, 用左20秒時間, 朋友幫我影左呢3張我好鍾意既相。 YEAH, 收工~!!! 點擊圖片放大 完成重點MISSION, 又再閒逛了~!! 好靚吖~~~~ 將樓梯變成書脊~ 係喎~!仲將幅牆變成書櫃添~!! 滿滿既屋仔掛喺路邊~好有村莊的感覺~ 另一個VIEW看甘川洞文化村 又係魚吖~ 呢條少啲人影 去邊好呢?!?!?!? 條魚好緊要...佢會為人引路, 向住魚咀方向行, 可以去到某啲點。 路上都有指示。 好多花裝飾~ 好靚~ 跟住魚咀行啦~ 呢位影相人好專注喎~ 148 Stairs 有幾長??? 就係咁斜啦~ 又一好地方影相, 扮吓野先~ 旅行就是要放鬆心情。 真真假假~ 好似去左外國咁~ 大家要注意, 呢度始終係民居, 記住要將音量收細和別做侵犯別人私隱的行為咯~! 以前年代既遊戲機 又一藝術畫作~作品背後既故事都寫喺度~ 俾遊客了解一下。 突然有隻狗走左出黎,應該係啱啱呢家人開左門同隻狗玩, 佢見到我地行過, 都即係關上門。我地都快快行過, 費事影響到民居。 又一個鐘, 11:45, 不知不覺又差不多行返入口處~ 好環保既傑作。 原來我地不知不覺都消磨左3個鐘, BYE BYE LA 甘川洞, 好值得一黎既地方。 只要喺頭先落車既對面, 就可以搭返小巴落南浦洞或札嘎其啦~ 有幾條線~ 總之去JAGALCHI札嘎其就上啦~ 上車時又問司機係咪 JAGALCHI JAGALCHI, 「Ne ne..」 約10分鐘車程度, 落車黎到JAGALCHI啦, 唔係好知路面情況, 搵返地鐵入口會好啲。 去10號出口 上去啦~ 有自動電梯~ 上到黎, 路口轉右,路線大概係咁就去到。 遠處已望到漁市場。 呢度有座大樓, 好似就係札嘎其市場。 市集~ 海菠蘿呢~ 嘩, 啲八爪魚.....好大條 呢啲唔知咩魚呢??? 은갈치 好肚餓, 買條魚糕食吓先~ 呢個漁市場, 有好多攤檔,攤檔隔離就會有啲位俾人坐低食野, 之前聽SISTER講另一幢大樓, 好似鷺梁津嗰啲咁, 去到一個餐廳, 要收加工費, 所以我地都係選擇呢啲 唔使收加工, 坐喺漁市場食既地方。 釜山因為靠海, 當然就要食佢啲海鮮啦~ 兜左一圈, 我地都係幫襯返近門口嗰個老闆, 因為佢較熱情,冇所謂啦~ 我地叫左啲乜呢?? 又係一大堆配料上枱啦~ 老闆好努力遊說啲客人。 啲位就係咁架啦~ 我地坐近門口。 叫左個鯛魚刺身 (中) SIZE 15,000won 上枱啦~ 原來得咁少片~ 唔知呢? 感覺唔似剛剛撈, 新鮮劏既感覺, 難道偷龍轉鳯? 定係本身係咁?? 希望老闆唔會呃我地啩~但味道又唔錯喎~ 再叫左蜆~ 蠔~ 都大隻既~ 個蜆都好鮮味~ 嗌左一碗鮑魚粥~ 食飽了~ 好似食左4萬幾WON, 我諗約HKD300度好啦, 食完午餐, 去邊好呢???? 想回味DAY1行程, CLICK HERE