未踏足過歐洲的我, 第一次去既歐洲國家竟然係芬蘭 我自己都估唔到~ 日子已定, 下一步就係訂機票酒店啦 好多人都問我, 呢個TRIP究竟BUDGET要幾多?? 我盡量LIST OUT 啦, 因為有啲細節可能都冇記錄低。 今次旅程總共10天, 由南至北, 再由北返番去南 路線如下 DAY1: HK -> 首都Helsinki (赫爾辛基) ~半天市內觀光~ DAY2: 首都Helsinki (赫爾辛基) -> Rovaniemi (羅凡尼米) ~去聖誕老人村探聖誕老人, 坐鹿車~ DAY3: Rovaniemi (羅凡尼米) -> Saariselka (薩利色爾卡) ~住圓頂玻璃屋~ Day4: Inari(伊納里) ~楂snowmobile去追北極光~ Day5: Inari(伊納里) ~去supermarket入定貨, 開P~ Day6: Inari(伊納里) ~留左木屋影吓相, 兩位團友就去騎馬仔~ Day7: Kirkenes~Norway ~去左 join King Crab Safari (紅點星星位置)~ 亦係今次旅程去得最北,最凍既地方 Day8: Inari(伊納里) ~Husky Safari~ Day 9: Ivalo (伊瓦洛) -> Helsinki(赫爾辛基) (原本黃昏到Helsinki,安排左夜晚行程 結果flight delay 10個鐘, 凌晨3點幾先到Helsinki,是晚行程泡湯了!) Day10: Helsinki(赫爾辛基) -> HK ~市內觀光~ 機票: 1)來回芬蘭機票(Asiamile用45,000里兌換, 只需俾稅$453, 如正常票價連稅約$5,7XX度) 2) 一程內陸機票Ivalo -> Helsinki, through agent book ($1,755) 機票費用總計:HK$2,208 住宿: 1)1晚住火車上,今次揀選有ENSUITE SHOWER既兩人臥室 ( €144.8/人, 約HK$1,363/人) (*可於出發前84天網上訂) 2)住1晚Rovaniemi市中心既酒店 - Cumulus Resort Polar (房價: €138/晚, 約HK$1,135/晚, 圍番每人HK$567) 我地3月度BOOK的, 原本係BOOK呢間, 去到佢話FULL晒, assign左我地去附近同集團既另一酒店, 房大啲同景靚啲(Cumulus Resort Pohjanhovi) 3) 住1晚玻璃屋 Kakslauttanen Arctic Resort (房價: €601/晚, 約HK$5,048/晚. 圍番每人HK$2,524) (*真係要預早喺佢官網BOOK, 我地2月已BOOK左, 因為好多旅行團都係住呢間, 所以好快FULL, 佢有東西兩邊, 我地揀左舊啲既東面, 因為每行玻璃屋都有啲樹, 影相會靚啲) 4) 住5晚 小木屋 Inarin Kalakenttä@Inari (Ruoktu係大木屋, Loito係小木屋) 今次4人住大木屋, 2人住小木屋 (Ruoktu房價: 約HK$1,804/晚. TOTAL5晚, 圍番每人約HK$2,256) (*呢間都係我地心水住宿, 住完簡直覺得好正, 好有DREAM HOUSE既北歐風感覺) 5)住1晚Helsinki酒店-Hotel Seurahuone Helsinki 近火車站, 來回交通較方便 (房價: €120/晚, 約HK$1,108/晚. 圍番每人HK$555) 酒店費用總計:HK$7,265 交通: 1)租車8天 Mercedes-Benz Vito Tourer Aut. with GPS 9人車 - Sixt ( €1,331.17/7天, 圍番每人約HK$2,132/人) 2) 機場去Helsinki市中心 - FINNAIR BUS (€6.7/人. 約HK$62/人) 3) 市內坐電車一程 (€2.9/人. 約HK$27/人) 4) 機場去Helsinki酒店, 的士 (€51.1, 圍返每人約HK$158) 5) LAST DAY全日交通(巴士, 電車, 包括去機場既巴士), 買左張1-day Regional Pass (€14/人,約HK$130/人) **租車油費 (約€115, 圍返每人約HK$177) 交通費用總計:HK$2,686 活動: 1) SnowMobile Aurora Expedition - Visitinari.fi網上book (€130/人, 約HK$1,223/人) 2) Husky Experience - Visitinari.fi網上book (€190/人, 約HK$1,788/人) **老實講, 呢間服務態度認真麻麻, 感覺對華人差啲, 團友推介玩Husky同騎馬可去呢間冇咁大,服務好啲 http://www.ridenorth.fi/juutuanvaara.html 3) King Crab Safari with Diver @ Norway - Pasvikturist 用email 同佢地contact 同book (NOR1690/人. 約HK$1638/人) 強烈推介大家住Inari同自駕既話, 不妨楂去挪威join呢個tour, 超級正~!! 4) Reindeer Ride 1000m@聖誕老人村 (€29/人. 約HK$268/人) 5) 岩石教堂門票 (€3/人,約HK$28/人) 活動費用總計:HK$4,945 膳食: 呢個旅程有幾餐喺外面食, 有3餐酒店包餐, 有幾餐喺Supermarket 入貨, 買酒, 喺小木屋煮飯仔, (多謝兩位大廚) 有幾餐係喺香港帶叮叮飯, 杯麵, 罐頭攪掂 不過我都寫吓我地去過既餐廳或CAFE LA~ 1) Cafe Johan & Nyström@Helsinki 2) Soppakeittio Tapaste oy@Old Market Mall 3) Cafe Fazer (本店) 4) dinner on VR Train 5) McDonald's @ Rovaniemi 6) Restaurant Nili (***超讚的餐廳, 要好早BOOK定) 7) Restaurant @ Kakslauttanen West and East Village 8) Papana @ Inari 9) Cafe Fazer @ FORUM 10) Zetor @ Helsinki (***要網上預早BOOK定) 11) Puosun kellari 船餐廳@Helsinki (因飛機延誤, 取消了此行, 無緣一試) 變左喺機場免費包餐 10日膳食費用大約總計:HK$2,700 上網: 1) 當地R-Kioski 買DNA Rajaton Prepaid around for 到7days用 (網上見人地寫原價係€7.9, 宜家只需€3.9, 約HK$36) (**如果好似我地咁去10天, 買2張都抵!, 因為增值,最低要€10) 2) 攞左張HKBN之前送既4DAYS 漫遊咭 但我冇留意佢係得600MB, 有日喺機場呆等時, 竟然用黎睇韓劇....即爆了, LAST DAY冇得用, 唯有用朋友HOTSPOT。 上網費用總計:HK$36 手信+自購紀念品: 今次好忍手, 因為爆喼, 所以買唔到幾多野,仲要俾海關沒收左一盒雲莓醬....唉!!! 1) 同聖誕老人影既大相一張 (€30, 約HK$277) 2)POST CARD 3) SOUVENIR 等等 手信+紀念品洗費大約總計:HK$2,100 所以整個行程, 我大約的洗費 HK$ 22,000 以上資料純屬參考 至於我地著乜去呢???? 呢個都係我最頭痕既地方.... 下一篇-衣著篇, 詳細話你聽, CLICK HERE~