‧2018.01.03 (WED)‧ DAY5~ Inari篇~逛超市+時空交錯Party 芬蘭跨年追尋北極光10天の旅 * * * * * * * * * * * * * * * 食: 早餐連午餐食: 自己homemade@Ruktu小木屋內 晚餐: Fine Dining+Party@Ruktu小木屋內 宵夜: 喺超市買嘅零食 * * * * * * * * * * * * * * * 景點: Ivalo * * * * * * * * * * * * * * * 住宿: 住小木屋 Inarin Kalakenttä@Inari (Ruoktu係大木屋, Loito係小木屋) 今次4人住大木屋, 2人住小木屋 (Ruoktu房價: 約HK$1,804/晚. TOTAL5晚, 圍番每人約HK$2,256) * * * * * * * * * * * * * * * 早!!!今日係瞓到自然醒.... 而Sendy 同阿基就好早醒左,我都瞓到10點先起身 大家各自喺各自嘅木屋預備早餐啦 Sendy同基嘅早餐, looks yummy! 這邊廂, 我仲喺床度, 於是攞部相機影吓屋外景況 Sendy遇到隻「小熊」AGAIN ~HAHA 11:30度, 大家先黎食早餐! 開動啦~!! 好悠閒咁享受今日嘅早餐, BTW, 煙三文魚好好味! 食完個早餐.....HAHA 其實係當午餐食, 等埋歸來嘅團友後, 我地就預備去ivalo嘅supermarket掃貨啦~ 全副武裝出動, 今日大約都係 大約-10度 呢間就係sendy嗰間木屋, 呢間較近湖邊啲~ 呢間就係我地4位團友住嘅木屋全貌啦! 我哋架車就係咁泊喺門口附近 呢個露天位好大吖! 13:15啦, 預備出發去ivalo買嘢食啦~ 順便買吓手信! 喺呢度去到ivalo, 大約需要1個鐘度。 14:15啦, 到左ivalo嘅S MARKET啦, 呢間大好多LET'S GO!! 呢間隔離有得賣酒嘅! 鍾意飲酒嘅朋友可以喺度慢慢揀啦, 仲有樣嘢, 我哋冇留意到嘅係.... 佢星期日係唔開嘅....我哋當時都冇留意添...... 哈哈, 呢隻酒幾特別喎!! 好!! 這邊廂睇左少少後, 先返去超級市場嗰邊先~ 羅馬花椰菜....好得意! 推車仔, 搜索MODE開始! 好多醃青瓜 又係芝士BALL, 好想食! 不過喉嚨有少少痛了 揀手信, 非你莫屬, FAZER 朱古力! 超級推介! 各種口味都有咁滯, 真係花多眼到亂! 團友們狂掃! 呢間超市可以買到啲CIDER! 聽聞話好味道, 但我冇買到呢~ 呢幾款都係叮叮湯, 黎度一定要買三文魚湯試試! 不過呢間好似冇三文魚湯呢! 嘩, 呢個設計非常正, 皆因好多時俾完錢, 都未必可以咁快執好啲嘢落袋, 咁樣就可以分兩條路, 又唔影響後面俾錢嘅人! VERY GOOD DESIGN!! 15:30啦, 原來我地都逛左個半鐘, 勁! 一向超市都係吸引我同逗留最耐嘅地方! 咁我地喺(1) S MARKET買完野, 發覺有嘢呢度冇, 咁去另一間買啦, 原本應該係去下面嗰間K MARKET, 點知一出門口見到K MARKET嘅招牌, 就以為係嗰間, 點知去錯左(2) K MARKET「農產市場」, 所以仲細.... 團友們因為要揀酒, 需要時間, 所以KIT車我地黎左呢度先, 買埋水, 就喺度等佢地車番我地返去 雪越落越大! 想食雪糕.....所以買雪糕...囉! 冬天食雪糕, 指定動作, HAHA! 仲要企喺出面食, 因為室內暖氣好焗! 嘩, 好大雪吖~~~ 佢哋超市好興有啲遊戲機喺門口附近, 俾客人消遣, 要錢架! 眼望S MARKET就喺路嘅對面, 不過好大雪, 都係等司機車 你睇, 去錯左嘅呢間K MARKET 好細咋~ 似便利店多過超市! 好啦, 返番S MARKET, 有個回收罐同樽嘅機 等我試吓回收一個樽仔先! 擲入去, 佢就會認到個SIZE, 將佢分類, 螢光幕到就會顯示可按返幾多錢 回收完你手頭上嘅樽後, 禁PAYOUT就出飛仔! 飛仔可以1)去CASHIER攞錢 或2) 去超市消費番,抵消佢~ 咁我選擇攞錢!攪掂 (PS: 啲樽上面都會貼可以回收返幾錢的~) 好啦, 買齊嘢, 返屋企啦, 返到去到17:15了, 你睇我地等登整左個SNACK AND FOOD CORNER 我哋嘅戰利品~ WAH!! 好豐富呢~!!! 大家不醉無歸, 喺度瞓埋都得!!! 阿基好細心地挑骨~ 見屋裏有呢啲咁靚嘅紙巾, 擺靚佢先! 喺度搵吓有冇其他可用嘅物品先 好啦, 沙律都預備好啦~!! 真係超鍾意呢個飯廳,煮嘢食嘅, 唔使咁孤獨, 又可以同我地一路傾偈!! 調味料唔夠添~ 去SENDY屋企攞啲, 順便參觀吓佢哋間屋, 呢間屋叫Loito, 可住4人! 門口喺屋嘅側邊 夜晚望過去好靚, 全落地玻璃! 望落去好似一間玩具屋咁, 好正! 好啱一對情侶黎住! 呢邊嘅浴室係企缸黎嘅! 一樣都有SAUNA室! 好正! 你睇個樓底高到爆, 令到整間屋好闊落! 飯廳隔離就係客廳, 好WARM 廚房就喺近門口位置嘅OPEN KITCHEN 有棵聖誕樹呢, 好有節日氣氛! 娃娃吖~!!! 佢有個閣樓, 樓上係瞓嘅地方! 有三張床 HAHA, 見到我嗎? 樓上影落去 好啦, 返番大本營先, 團友分工合作 今晚有好嘢食!! 突然轉TONE了, 我地去左邊度吖??? 咩黎架??點解我哋嘅年代冇呢啲嘢嘅? 大家好忙吖~ 好豐富吖! 沙律同磨菇 大廚預備了呢味薯仔~ 那邊廂煎緊牛扒 WOW! 好正吖! 個賣相不錯! 三文魚都焗好啦!! 開餐啦~!!!! 因為今日睇過個APPS, 又係雲嘅覆蓋率好高, 應該都無緣見到北極光, 所以盡情享受我地嘅時空交錯PARTY, 盡慶一下啦!!! 喺香港都未試過! SO COLOURFUL!! 我地播住啲輕音樂, 超自在! 有說有笑! 你睇....有人聽歌聽到手舞足蹈!!! 原來突然玩驚喜 , 預祝1月之星生日! 影張大合照先! 瘋狂自拍MODE 古代人飲西洋酒, 視覺沖擊!! 話說呢個蛋糕好似有啲雪糕喺裏面嘅口感, 味道真係唔錯喎! 我地食到差唔多11點度, 在歡笑聲下渡過了一個超實現嘅夜晚!!! 真係超級難忘!!!! 你睇大家嘅表情已經FEEL到有幾開心啦!!! PARTY完結後, 一切歸回平靜, 我地又喺客廳HEA啦!!!! 原因係個個都好似唔想瞓咁! 可能希望北極光出現呱! 悠閒玩手機 ~ 阿婆MODE 時間已經係半夜3:20了,天空還是厚雲到爆!!! 是晚.....沒有......看見北極光, 失望!!! 所以上房瞓啦!早抖!!