2018-01~DAY4~Inari篇~到埗+Snowmobile追光團~芬蘭跨年追尋北極光10天の旅

‧2018.01.02 (TUE)‧
DAY4~ Inari篇~到埗+Snow mobile追光團
芬蘭跨年追尋北極光10天の旅
 * * * * * * * * * * * * * * *
 食:
早餐: Restaurant@Kakslauttanen Arctic Resort (East Village)包餐
LATE午餐: 喺超市買嘢回木屋食
EARLY晚餐:  自帶叮叮飯+咖哩汁
宵夜: 喺超市買嘅零食 
* * * * * * * * * * * * * * *
 景點:
Inari
Lake Inari 湖中心奔馳 
* * * * * * * * * * * * * * *
 住宿:
住小木屋 Inarin Kalakenttä@Inari (Ruoktu係大木屋, Loito係小木屋)
今次4人住大木屋, 2人住小木屋
(Ruoktu房價: 約HK$1,804/晚. TOTAL5晚, 圍番每人約HK$2,256)
* * * * * * * * * * * * * * *

早!!!今早明明較左手帶5點起身, 結果都係7點先起身!
尋晚實在太「早」瞓啦~!!!

好啦, 簡單梳洗完畢, 好凍嘅天氣唯一一樣方便左嘅係,
我個頭一向出街都需要GEL頭, 宜家咁凍嘅天氣, 頭都唔洗Gel, 基本都帶冷帽, 梳洗完已行得!
慳番唔少時間! 

食早餐啦! 我地去番尋晚Dinner嘅restuarant, 坐呢間房食早餐先!

都好多選擇, 有火腿, 煙肉….一般西式早餐
cereal
沙律同熱盆, 食菜啦!
食多啲纖維好吖!
BOILED EGG AGAIN!
my breakfast!! 左下角係芬蘭特色食品, 叫卡累利阿批 (Karjalanpiirakka),

個底係黑麥造嘅, 面有啲薯仔, 有啲會加米飯或蘿蔔, 我都唔知佢係咪熱食…
感覺涼左咁, 味道一般。

食完早餐, 大家知唔知我地做乜呢?!

HAHAHAH 一齊高歌~~ LET IT GO~~~~!!! LET IT GO~~~~~!

今朝嘅溫度係-6至-7度
HELLO! 見到我嗎??要執埋啲行李, 準備10:00 check out 啦!
好啦, 我哋要走啦~!

個雪撬好緊要吖!
 經過條橋, 又慢慢行返去入口處

  條橋同路都分唔清了!
唔使驚, 有個牌指路
個天Always灰灰濛濛

呢個係公眾sauna

呢度有個讓你哋感受冰凍嘅ICE POOL! 不過我唔見人有玩
呢啲景, 真係好似我心目中喺啲童話故事書裏面嘅景咁!
我哋架車好似噴漆咁~ 車牌都睇唔到了~
哈~韓星架到!! 實Q!!!
遠處見到一群麋鹿遊蕩
我地見仲有少少時間, 又走返去, 睇吓呢個SNOW CHAPEL
喺個門口裝入去望望個VIEW先!
遠處見佢哋好休閒喎~!
你睇個地方一望無際….都係雪! 
我地又返番去玻璃屋度, 再影埋相就真係閃啦
整片都係白茫茫

11:00 啦, 我哋差唔多時候要出發, 向北進發啦~ 開往INARI
經過1個半鐘頭度, 12:30, 我地到達左INARI啦!!!!
呢度我地會住足5晚, 務求可以睇到北極光啦~!!!!!
一到埗, 第1件事就係去光顧吓supermarket先,
呢度係Inari中心地帶, 超市就得呢間K Market

GO GO GO!!
我地沿途都冇食嘢~ 咁不如喺度買嘢, 返小木屋食啦!

呢度啲SALAMI, 同煙三文魚嗰啲, 都好平! 於是指定動作!買!

大家都攞個車仔先, 入貨啦!

今次目標想買呢個, 叫雲莓醬….(認住呢隻字..Lakkahillo)

好多凍肉, 不過今日我地唔買住, 因為明天會去間更大嘅,

今日食啲即食嘢同叮叮嘢先!

好攪笑嘅姆明杯
同姆明水壼
度度都有FAZER嘅踪跡!
K market對面就係hotelli Inari, 聽講啲人如果唔係自駕, 黎呢度最方便, 所以都會住呢度!

因為夠晒集中。

  隔離就係報名參加活動嘅visitinari啦! 我地黎之前喺網上BOOK左呢間

楂snowmobile追極光同husky safari
(不過……玩後感….覺得呢間服務及態度麻麻地..可能佢哋對華人係差啲, 可能因為之前畢竟有新聞報導話, 有團大媽團睇唔到極光走去打個導遊之類嘅新聞影響呱…)

  對面見到個牌, 寫住HORSE RIDING, 我地其中團友有興趣玩, 所以第日佢地都去左報名

(團友JOIN完覺得可以喺呢間玩husky都得, 唔使去大嗰間)

好啦, 14:00啦. 我地由市中心楂車約7分鐘度, 終於搵到我地間木屋啦!

呢間係sendy同基住嘅木屋, 叫 Loito

  離我地嘅木屋不太遠, 不過初到貴境, 唔知原來可以唔使行呢條較崎嶇嘅路。
  路口原來好清楚有條路可以行嘅, 有埋水牌添!
  Ruoktu就係我地另外四位嘅木屋啦, 呢間就大嘅, 主要係大家開餐嘅地方!
  外貌就係咁啦!! 我地一到埗見到!! 大家都嘩一聲!!!
  入埋去睇, 更加係嘩左一聲! 同埋話「好正吖!! 好正吖!!!」

呢個係客廳, 亦係我喺食飯後, 無嘢做, 或玩手機嘅時候, 最鐘意逗留嘅地方啦!!!

  有個堅火爐喺度!
  客廳經過一個小門, 就去到另一部份, 就係廚房同飯廳啦,
亦係我地開餐及最常聚集嘅地方啦!
  有個好舊嘅焗爐..當然睇得唔用得啦!
  呢度係喺屋喺另一邊, 有個偏廳, 同樣有個梳化床同真火爐! 

亦係我地將會用黎放喼, 放晒啲雜物嘅地方, 打仗咁亂…..當然走時會將佢還原啦!

  浴室同SAUNA都喺呢度!
  浴室可以同時容納兩個人一齊沖, 情侶們可以慳返啲等沖涼時間, 可以選擇一齊沖, 浴室裏面再有個SAUNA, 希望可以用吓佢啦, 試吓正宗芬蘭桑拿!

地下呢層有個廁所

好可愛嘅阿美毛巾

隔離有個樓梯上二樓

  二樓主要係睡房,分別有兩間, 各間都有兩張床
  呢間都係一樣!
  上層都有廁所, 所以我地都分配好, 大家可以用邊一間梳洗!
  不過…..小插曲呢家嘢, 一不離二,HAHA!

無端端架車又郁唔到啦~

呢次係平路, 應該易攪啲呱~ 剷吓個轆啲雪先啦…唯有!

又試吓用熱水淋吓啦….等等……好忙吓~

指定動作, 推車AGAIN, 不消一會, HAHA  , 攪掂!

  好啦, 攪掂好架車, 就要攪掂好我哋個肚啦!! 因為宜家差不多3點啦, 仲未食LUNCH!

一打開呢個櫃, 好多上幾手用剩喺嘢~ 

  好啦,今餐食PIZZA!!!
廚房基本上用品都好齊全, 有微波爐, 有焗爐, 有咖啡機, 有多士爐
  刀刀叉叉都好整備
  各款煲都有
  我地都攤晒啲嘢食喺度~ 有零食,有明天嘅早餐
READY 要食啦!
  呢個火龍果汁……..味道好淡……飲左都唔知似飲左啲乜…HAHA 兩款PIZZA, 就算係超市買返黎都好味喎! 可能係肚餓呱!
買啲即食湯試吓啦, 粉沖嗰啲, 我自己就麻麻地, 因為我成日都攪唔融佢, 依然間唔時仲有一舊舊嘅粉狀咁, 味道都還好啦, 佢另外有啲湯係叮叮款, 應該仲好飲!
食啦~ OUR 15:30 LATE LUNCH!  食完LUNCH, 大家各自回屋HEA一陣, 跟住要早食DINNER

因為我地其中4位團友JOIN左今晚snow mobile
當大家喺香港帶左啲罐頭黎,諗緊有冇罐頭刀呢?? 屋主話有…..難道只係呢個???

所以18:30, 我地又再食過啦, 呢餐DINNER唔想大攪, 

食左啲我地好重咁喺HK帶去嘅叮叮飯同咖哩汁, 又方便又快捷!
仲有phoebe帶黎嘅紫菜碎碎, 午餐肉同豆鼓鯪魚

嘩, 一包咖哩汁份量都好多!! 一碗飯真係唔多夠!
同行2位團友就回佢地木屋, 自製浪漫一下, 我地4個就楂返出去, JOIN追極光團啦

活動係由夜晚8點到11點鐘, 我地19:30度就出車。
條路真係靠車頭燈先見到, 沿路都冇乜街燈咁滯。

  去到個CENTRE, 點埋名, 佢分配左啲衫同裝備俾我地,

分別係整套「夾乸衣」,手套, 頭套同頭盔同雪鞋~
 帶埋個賊仔頭套
 帶埋個頭盔, 出發, 個指導員帶我地去到酒店後嘅湖, 啲snow mobile就喺晒度,
自己任意揀一架!! 佢會簡單介紹操作。開車, 停車, 熄車等等
READY GO!!!

  事關我喺尾幾咁滯, 以為楂得快怕唔安全, 於是楂得好慢, 幾乎見唔到前面嗰架, 於是個COACH特登將我重新安排去佢後面, 即係我要跟住個coach….我係第一架…..即係我要焗住要跟得佢好貼…….

所以自己楂都感覺到啲啲速度了!HAHA
個手把會發熱, 所以楂到咁上下, 有啲啲辣手, 後尾我有同佢講有啲熱, 佢好似幫我較低左。
不過一路楂, 一路吹風, 塊面都有啲凍……所以我有時會坐低啲, 用個車屏風遮住一陣。

楂左差唔多45分鐘度, 去到個湖中心, 唔知有幾中心, 總之就好遠啦~~~~

開爐啦~!! 

在湖中BBQ, 有熱果汁供應, 同埋腸仔~ 自己加醬料
咁凍啲天, 食吓熱嘢都舒服啲……
但今日冇緣見到極光…………
  因為整片天都係雲…………………….
車隊先歇一會, 食吓嘢飲吓嘢啦
見唔見到啲鹿吖???? 佢地就喺我地附近咋~!!!
我部戰車
自拍一下!
月圓之夜, 個月光照到整個地方好似光左好多咁
所以…今晚又再一次失望, 冇緣見到北極光了……….唯有希望在明天啦~
唔打得都睇得吓…..仲有後面幾隻鹿做陪襯
差唔多時間回歸啦~ 我依然跟喺coach後面, Kit同Jack就較後面, 呢個司機係阿KIT

一樣咁上下路程, 楂返番去啦, 都差唔多45MINS

是次旅程係有啲失望……………因為乜都睇唔到

我係楂嘅都話有啲嘢玩, 但做乘客嘅,就真係齋坐………….
(BTW) 駕駛者必須有車牌先楂得喔!

加插一下此圖, 係那邊廂另外兩位團友喺夜晚見到佢行過, 仲以為係一隻小熊…
其實係一隻狗….HAHAAH

好啦, 回程啦, 又係經過黑黑嘅路。
仲埋涼後, 舒服晒….凌晨0:25了, 喺個廳都HEA吓, 因為都係想等吓極光, 未捨得瞓住….雖然見到嘅機會有啲微……

喺超市買左芝士波, 配汽水飲….超飽…………

我地對面有間屋仔…..又唔似係有人住緊…….現時01:40分啦!
啲雲真係厚到離晒譜……
喺屋內影到我地嘅屋外…
隱約又見到啲星星喎~
2:30了…..依然冇乜點變…..相機SETTING又係變到個天咁白…
其實係咁黑至真….HAHA.. 好啦. 2:30啦

是晚…..沒有……看見北極光, 失望!!!
是晚放棄, 瞓覺啦, GOOD NIGHT!!

想回顧尋日DAY3~Saariselka住玻璃屋篇行程, CLICK HERE
 
This entry was posted in 芬蘭 and tagged , , , , , , , , , . Bookmark the permalink.