夏日炎炎,冇咩胃口,最啱食一啲酸酸辣辣嘅嘢,而講到酸酸辣辣嘅代表,一定非東南亞菜莫屬! (1)醒胃三「青」沙律 呢間位於旺角嘅泰菜館,以小清新裝潢吸引一眾旺角文青到訪。全店以花草點綴,係唔少文青嘅打卡位,但最值得介紹嘅係各款創新泰菜,突破一般傳統泰菜嘅形象。其中「青青青沙律」($74)最得意,點解有3個「青」字?唔通真係想吸多啲文青嚟?錯錯錯,三「青」其實指嘅係「青芒果」、「青瓜」同「青木瓜」,三者一齊整沙律,一般泰菜館好少咁整,再加埋豬頸肉,口感同層次都提升!唔記得講,入面唔止呢3個「青」,仲有「青胡椒」同「青檸汁」! 「青青青沙律」($74) 「燒菠蘿蟹肉炒飯」($128)唔再將飯放入菠蘿殼入面,而係分開上,感覺新奇。 「炭燒烤椰子雞排配是拉差蛋黃醬及青瓜乳酪」($96)個名係長,但其實味道還可以。 最後嚟一個「芒果糯米飯」($78)做甜品,就係一個Happy Ending喇!點擊圖片放大 +8 店名:青花 Champak Restaurant 電話:34682558 地址:旺角奶路臣街17號The Forest 1樓107-108號舖 營業時間:星期一至日12:00 - 22:30 ________________________________ (2)泰式下午茶之選 如果你鍾意精緻啲嘅泰國餐點,下午茶絕對係最好嘅選擇,樣樣都細細份,唔怕食唔晒!呢間位於柯士甸站附近嘅泰國菜餐廳,一直都有出下午茶,而且一Set入面鹹、甜點俱備,亦都可以剩係「柯打」鹹點或甜點。鹹點有燒大蝦、沙嗲豬頸肉、柚子蝦沙律、豬頸肉沙律、泰式傳統鹹點等;而甜點就有斑蘭椰絲糯米糍、椰汁芒果糯米飯同南瓜布甸。特飲Lychee Smash,荔枝配青檸,非常清新解渴。 點擊圖片放大 +4 店名:Mango Tree 電話:26684884 地址:尖沙咀柯士甸道西1號圓方(Elements)2樓2032號舖 營業時間:星期一至日11:30 - 23:30 ________________________________ (3)惹味「小曼谷」 總店位於九龍城嘅「小曼谷」,係小妹大學時期經常幫襯嘅泰國菜館,鍾意佢係因為份量大,鑊氣夠!依家元朗都開咗分店,一定要試吓!每次小妹都必嗌「柚子蝦沙律」,集甜、酸、辣於一身,食起上嚟超醒胃。 「咖喱大蝦」每隻蝦都大大隻,配合香濃咖喱汁,非常惹味,通常淨食蝦好難食得晒啲咖喱汁,呢個時候最好就係加烤包點嚟食,雖然好邪惡,但真係可以食到一滴咖喱汁都唔剩! 「燒雞肉串沙嗲」嘅雞肉燒得嫩滑多汁,秘製沙嗲醬另上,點幾多隨你鍾意。 最後又忍唔住嗌一個「芒果糯米飯」,雖然有啲失色,但都過得去啦!點擊圖片放大 +4 店名:小曼谷泰國美食 電話:27167800 地址:元朗教育路50號兆明樓地下A號舖 營業時間:星期一至日12:00 - 00:00 ________________________________ (4)星、馬、泰混血「少爺」 呢間位於葵芳嘅餐廳,唔只有泰菜食,連新加坡同馬來西亞菜都有!如似海南雞飯、胡椒蝦、肉骨茶、喇沙、馬拉盞通菜... ...差唔多成個東南亞共冶一爐,選擇咁多,難怪食飯時間要排隊。點擊圖片放大 +7 店名:少爺18 電話:21562228 地址:葵芳興芳路223號新都會廣場4樓410-412號舖 營業時間:N/A ________________________________ (5)葵廣必食 葵廣除咗港式掃街小食同日韓美食外,原來玩埋泰國嘢!好似呢間「泰糯米」就係主打各式「芒果糯米飯」($20),可以揀原版或新版,小妹一定揀原版嘅椰汁芒果糯米飯,一入口就甜香四溢,椰汁香濃,糯米軟糯,芒果香甜,果然係葵廣人氣美食。點擊圖片放大 +2 而另一間「泰風So」就主打「泰式海南雞撈麵」(大$42,細$32),雖然個麵底係印尼撈麵,但海南雞肉嫩滑多汁,配埋泰式醬汁,又係甜甜酸酸辣辣咁,超級正! 店名:泰糯米 電話:N/A 地址:葵芳葵富路7號葵涌廣場2樓C10C號舖 營業時間:N/A 店名:泰風SO 電話:N/A 地址:葵芳葵富路7號葵涌廣場2樓潮流廊2期2008號舖 營業時間:星期一全日休息,星期二至日14:00 - 21:00 ________________________________ Blog:http://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331