日本7仔係唔少人敗家嘅戰地,尤其係唔同時期推出嘅期間限定產品,令人為之瘋狂!小妹早前去咗日本東京玩,以為正值春天嘅3月會有好多櫻花產品可以掃,點知紅嘅唔係櫻花,而係抹茶!而且全都唔過港紙$15,最平都只係$8.6! (1)抹茶忌廉千層酥(200円/ HK$14) 鬆化酥皮包住濃滑嘅抹茶忌廉,簡直係雙重口感!雖然呢個千層酥要冷藏,但個外皮一啲都冇因為咁而改變質感,多層酥皮層次分明,抹茶忌廉軟滑香濃,超級滋味!點擊圖片放大 (2)抹茶黑蜜水晶糯米糍(120円/ HK$8.6) 呢款抹茶產品同其他產品唔同嘅係,佢用嘅係比一般產品高出1.2倍嘅抹茶醬,所以味道會更加濃郁,水晶皮包住特濃抹茶醬,口感煙韌又Creamy,加埋特製黑蜜,焦甜味道加強咗抹茶嘅甘香,抹茶迷一定唔可以錯過! (3)抹茶忌廉Bun(140円/ HK$10) 薄薄嘅麵包皮包住滿滿嘅抹茶忌廉,雖然食落層次唔夠分明,但勝在忌廉打得幼滑,又充滿抹茶香,如果你對口感要求唔高,呢款都值得一試!點擊圖片放大 (4)宇治金時銅鑼燒(160円/ HK$11.5) 抹茶加紅豆,唔使講都知道係Perfect Match,軟綿綿嘅鬆餅皮包住抹茶醬、抹茶忌廉同紅豆蓉,甘甜交集,忍唔住要Encore多一件!點擊圖片放大 (5)抹茶卷蛋(210円/ HK$15) 喺香港,閒閒哋一件抹茶卷蛋都要四、五十蚊,但係喺東京7仔,一件卷蛋居然只係賣$15?!鬆軟嘅抹茶蛋糕卷住軟滑香濃嘅抹茶忌廉,非常Creamy,味道同質感簡直可以媲美一件四、五十蚊嘅出品,呢件係最值得推介嘅抹茶甜品! 呢一系列嘅抹茶甜品喺東京7仔現正熱烈發售,大家行過7仔,不妨買嚟試吓啦! Blog:http://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331