大家食酒店自助餐,一定主攻長腳蟹、龍蝦、海蝦、生蠔、青口呢啲海鮮,但好多時酒店Serve到咁上下,就會Fill得慢,甚至乎唔再Fill,畢竟可以用其他食物取代,但如果係以海鮮做主題呢?咁就唔同講法!位於尖沙咀金域假日酒店嘅Bistro on the Mile 就以海鮮「龍蝦」做主題,無限量供應龍蝦,仲推出唔同嘅龍蝦菜式,誓要令龍蝦迷失控! 波士頓凍龍蝦、長腳蟹 點擊圖片放大 小妹日前同朋友嚟呢度慶祝生日,試咗勁多龍蝦菜式,最值得一試嘅係「波士頓凍龍蝦」,隻隻都大大隻,勁新鮮,充滿橙紅色嘅蝦膏同龍蝦籽,食落鮮甜爽口,而且全晚無限量供應,啱啱搶購一空,廚房就即刻Fill番,係回本之選,建議第一時間就主攻「凍龍蝦」!當然仲有長腳蟹,食落唔會有過鹹嘅海水味,反而多肉得嚟又鮮甜,小妹最愛呢兩種海鮮,食咗唔少。 芝士焗龍蝦 「芝士焗龍蝦」係每人一客(半隻),芝士味濃郁,但焗龍蝦嘅肉會比較「鞋」口,芝士烹調又會比較「漏」,個人認為食得唔多,所以半隻已夠,都係食番「波士頓凍龍蝦」。 龍蝦凍盤選擇都好多,龍蝦壽司、龍蝦粉絲牛油果沙律、龍蝦蘋果啫喱杯、龍蝦配芒果沙沙醬、龍蝦紅腰豆忌廉芝士卷同雜果龍蝦沙律,全龍蝦宴睇到我心心眼。 龍蝦壽司 龍蝦粉絲牛油果沙律 龍蝦蘋果啫喱杯、龍蝦配芒果沙沙醬 龍蝦紅腰豆忌廉芝士卷 熱盤方面有依家大熱嘅龍蝦包、酥皮龍蝦湯同龍蝦小籠包,鍾意食熱嘢嘅朋友就千祈唔好錯過! 龍蝦包 酥皮龍蝦湯 龍蝦小籠包、龍蝦雲吞 當然嚟陪朋友食龍蝦而自己又唔係太鍾意食龍蝦嘅朋友又唔使太傷心,因為呢度都仲有其他菜式,好似蒜蓉粉絲蒸扇貝、避風塘炒琵琶蝦、即燒大蝦、蒸魚、烤羊架、牛排、甜品、魚生、壽司... … 仲有乳豬全體!總之應有盡有,食其他嘢食都可以捧住個肚走! 蒜蓉粉絲蒸扇貝 避風塘炒琵琶蝦 即燒大蝦 乳豬全體 壽司 刺身 烤羊架 是日靚湯:粉葛鯪魚豬骨 甜品 自助餐成人$609 長者$487 小童$426 OpenRice仲有75折優惠,記得Print張優惠劵出嚟呀! 龍蝦主題只在星期五、六提供,詳情須向酒店方面查詢。 店名:Bistro on the Mile 電話:23151118 地址:尖沙咀彌敦道50號金域假日酒店1樓 營業時間:星期一至日06:00-01:00 Blog:https://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331