港女們一年去幾轉韓國,早已玩到冇嘢好玩,買到冇嘢好買,食到冇嘢好食,小妹我都唔例外,逐漸放棄嗰啲人山人海嘅熱門旅遊點同化妝品連鎖店,轉戰韓式公主Style Cafe!各位做男朋友嘅睇之前可能要小心啲,因為身邊嗰位「公主」(目及)到可能會高分貝尖叫。 #最花多眼亂~Flote Flower Cafe 呢間位於弘大嘅Cafe,以花作為主打,室內每一隅都見到花嘅蹤影,除咗每張枱有一樽花之外,所有食物同飲品都會附上花花擺設,真係睇到都心動!店舖仲特設多個花花頭箍同花束畀各位少女影相,再加上店內一個個花樣Oppa,仲唔睇到眼花花? Pink Ball (w6000)士多啤梨梳打,連冰都整成花狀!!!!! 皇家奶茶(w5500) 雙重芝士帕尼尼(w8000) 順帶一提,門口有棵假嘅櫻花樹,係必影熱點,到時叫Oppa幫你影張相,話唔定緣份就咁開始... ...(可能係,除非唔係... ...) 地址:首爾麻浦區東橋洞 177-2(弘大站6號出口) #最書香典雅~A to Z Cafe 位於新村嘅A to Z Cafe,其簡約外貌真係瞞過唔少遊客,如果你冇足夠嘅好奇,一定唔道佢有幾別有洞天!古色古香嘅Loft風格,仿古水晶吊燈、紅木桌椅、幾瓶薰衣草,恍如係英倫同法國普羅旺斯嘅混合體,猶如置身小毆洲。室內大部分都係溫緊習同傾心事嘅韓國女大學生,自然安靜非常。而主打嘅士多啤梨Latte更加係每枱必嗌,成杯充滿住士多啤梨果肉,面頭仲有以士多啤梨鋪成嘅玫瑰花,真係「可集郵而不捨食用焉」! 前:士多啤梨拿鐵(w7500)後:藍莓ade(w6000) 地址:首爾特别市西大門區滄川洞13-42(新村站3號出口) #最身心舒暢~Versgarden點擊圖片放大 +4 香蕉Brownie配雪糕(w10000)Orange Ade(w7500) Garden Tea(w7000) 作為韓國其中一間以森林系為主打嘅Cafe,喺弘大早已為人熟悉,吸引唔少韓國少女到訪!原因係一片「粉色」花牆同一室綠色植物,「城市綠洲」可謂當之無愧!店內出名有機花茶,部分混合茶嘅香草更加係店主喺小花園內就地取材,認真Organic! 地址:首爾市麻浦區東橋路41段10號(弘大站3號出口) #最可愛治癒~Cafe 5CIJUNG點擊圖片放大 +3 Strawberry Ade Sorbet(w8000)芝士梳乎厘(w10000) 芝士梳乎厘配雲尼拿雪糕(w10000) 隨飲品附送即焗鬆餅 以療癒系擺設出名嘅Cafe 5CIJUNG,喺新沙洞開咗間分店 ,店名以老闆個名「吳詩情」命名,有讀五篇短詩心情嘅意念。店主特意將Cafe打造成「家」嘅感覺,以溫暖嘅粉黃色作牆色,原木傢俬充當枱櫈,再配上一屋嘅可愛積木飾品,非常骨緻!所有嘅飲品都會附上積木飾品或花飾,少女集郵是常識吧? 地址:首爾市鍾路區三清路75-8號(安國站6號出口) #最心心眼~VANT 36.5 x MENON點擊圖片放大 +4 VANT 36.5係近年韓國大熱嘅化妝品牌,小妹只聽過化妝品同護膚品同酒店下午茶Crossover,但就冇聽過同Cafe合作,但佢就同一間Cafe以概念旗艦店嘅形式合作,樓高兩層,除咗下層全層係Cafe,上層就加設埋化妝品同護膚品區,等少女們邊歎咖啡邊Shopping扮靚。但最令人尖叫嘅位,就係佢嘅粉紅色Outlook,真係忍唔住要留倩影一張! 地址:首爾市麻浦區西橋洞 342-10(弘大站9號出口) #最Tiffany藍~Cafe de Paris點擊圖片放大 +2 芒果Smoothie Bon Bon(w16000) 位於明洞嘅Cafe de Paris,最初以士多啤梨Smoothie Bon Bon而喺韓國紅到發市,雖然明洞店只係分店,但因為超級就腳而吸引唔少遊客大排長龍!其粉藍色嘅外牆,經常令人聯想起某個首飾品牌,亦正因為咁而逐漸成為佢嘅標誌色!士多啤梨Smoothie Bon Bon係冬季限定,所以一過4月就冇得賣,但芒果Smoothie Bon Bon就一年四季都有,仲有按季節推出嘅限定版,小妹去韓國呢期就有車厘子限定版同青提限定版,眼見成杯都係生果,真係睇見都心花怒放! 青提芒果Smoothie Bon Bon(TBC) 葡萄柚梳打(W13000) 地址:首爾市中區明洞10街40號(明洞站7/8號出口)