YOHO MALL開幕已經有一段時間,相信住元朗嘅朋友仔都已經試過呢度嘅餐廳,其實小妹都未試晒啲餐廳,不過就急不及待想同大家分享,感覺以下呢5間餐廳嘅水準都直達中上,住YOHO嘅人真係好幸福! 1)家上海(上海菜) 主打上海菜嘅「家上海」,有此取名係因為菜餚取自上海最原始嘅家常菜譜,同時亦想畀客人有「家」嘅感覺。行政總廚及主廚均來自揚州,所有菜式都盡數體現淮揚菜巧妙嘅刀工同細膩嘅味道。裝潢以老上海作為藍本,盡顯當時嘅歷史文化與浮華。曾經到訪上海嘅小妹超級掛住上海美食,呢度令我啲回憶返晒嚟呀! 門口可以睇到師傅整小籠包 點擊圖片放大 +2 茶香油爆蝦 ($78) 龍井蝦仁($168) 金牌小籠包($48) 松子桂花魚($188) 賽螃蟹($98) 雪裡紅白汁蒸黃花魚($188) 鹹肉火腿津白($78) 濃湯沙碢雲吞雞半份($188) 店名: 家上海 電話:2602 2218 地址:元朗元龍街9號形點一期1樓1058號舖 營業時間:星期一至日: 11:30-23:00 2)IBERICO & CO. (西班牙、葡萄牙菜) IBERICO & CO.主打西班牙同葡萄牙及其他以西班牙和葡萄牙語為主國家嘅菜式同飲品,所以呢度嘅餐牌有別於一般嘅西班牙餐廳甚或葡萄牙餐廳,而係Mix & Match!個人認為菜式味道一流,但份量偏細,如果有男仔喺度要嗌多啲嘢食,如果唔係會唔夠飽。點擊圖片放大 有機蕃茄沙律配白酒醋汁(蕃茄、牛油生菜、紅洋蔥)($88) 美國黑青口及辣肉腸配白酒忌廉($198) 煙燻豬仔骨配辣椒燒烤醬($110) 黑松露海鹽幼薯條($65) Lychee Sangria(White Wine, Lychee Liqueur, Rum, Lychee)(Happy Hour 半L$112) Sparkling Sangria Blanca(Cava, Apricot Brandy, Green Apple Schnapps, Rum, Muddled Apple)(Happy Hour 半L$112) 店名:IBERICO & CO. 電話:2146 7888 地址:元朗元龍街9號形點一期地下G002號舖 營業時間:星期一至日: 11:00-23:00 3)新麻蒲(韓國菜) 喺韓國有450間分店嘅新麻蒲,係韓國排名第一嘅韓式烤肉連鎖店,分店遍佈美國、泰國等國家,全球總店數目接近500間,可以話係韓國烤肉史上嘅奇蹟。店舖主打護心肉,即係豬嘅橫隔膜,係心臟同肝中間嘅部份,而一隻豬只有200g嘅護心肉,非常珍貴。另外,爐嘅外圍特設一圈凹槽,用嚟烤蛋,聽落好似冇咩特別,因為大部分烤肉店都有咁嘅設備,但唔講唔知,呢個係新麻蒲首創架!點擊圖片放大 +2 牛肉套餐1($398)包括100g霜降牛肉、120g牛肋排、120g新麻蒲秘製牛五花肉、年糕、磨菇、豬肉香腸、大蝦。 藍天檸檬汽水($28) 覆盆子紅醋汽水($28) 店名: 新麻蒲 電話:2470 0013 地址:元朗元龍街9號形點一期地下G008號舖 營業時間:星期一至日: 12:00-01:00 4)安南(越南菜) 主打中高檔越南菜嘅「安南」,分為南越、北越兩幫菜,同時亦提供越南中部坊間較少見嘅順化菜式,希望將最完整嘅越南菜呈現之餘,亦重塑法屬殖民地情懷。不過小妹覺得部分菜式比較似中菜,唔知係我見識少定真係咁,呢個留畀大家判定!點擊圖片放大 陳醋牛仔骨 蕃茄炆牛腩 八寶荷葉飯 炒通菜 店名: 安南 電話:2602 6118 地址:元朗元龍街9號形點一期1樓1073號舖 營業時間:星期一至日: 11:30-23:00 5)Brotzeit German Bier Bar & Restaurant (德國菜) Brotzeit® 集團喺世界各地都有分店,以最傳統嘅德國菜做主打,德國豬手、肉腸拼盤、啤酒係德國菜嘅靈魂,小妹喺晚飯後光顧,所以未能一試,只係飲咗幾杯Cocktail同試吓啲小食,下次一定要試吓!點擊圖片放大 海鹽薯條(後)、Fruit Punch(前) 辣汁烤雞翼配雜菜沙律 威士忌冰茶 店名:Brotzeit German Bier Bar & Restaurant 電話:2617 7009 地址:元朗元龍街9號形點一期地下G003號舖 營業時間:星期一至日: 11:00-23:00