回顧2018年,小妹飲咗唔少喺香港嘅茶飲,其中竟然畀我發現同深圳茶飲熱店「喜茶」有8成似嘅「金鳳茶王」! 1)高質水果茶@一芳 水果茶係一芳嘅主打,成杯茶飲滿佈水果,酸酸甜甜帶果香,非常足料! 2)滿杯鳥龍香@Comebuy Tea 個人認為Comebuy Tea嘅清香烏龍最好飲,配上菠蘿果漿同寒天,微甜中帶茶嘅芬芳。 點擊圖片放大 3)打卡一級棒@Flamingo Bloom 從門口到店內一整幅牆紙都係火烈鳥,想唔打卡都唔得,加上茶飲以濃茶做主打,絕對冇一般茶飲店嘅咁甜,「油切」茶飲最適合Keep緊Fit嘅女士。 點擊圖片放大 +7 4)虎紋厚鮮奶@老虎堂 要排足成個鐘先飲到嘅台灣過江龍老虎堂,佢嘅黑糖珍珠厚鮮奶嘅虎紋明顯,吸引勁多人打卡,可惜個人認為太甜,似足內地名飲「旺仔牛奶」! 5)珍珠有咬口@李圓圓 相比老虎堂,來自台灣淡水嘅李圓圓就冇咁甜,當然奶味亦冇咁重,不過勝在珍珠有咬勁,Q彈可口。仲有即場炒黑糖珍珠表演,力證真材實料。 點擊圖片放大 +3 6)黃金珍珠@KOI 以黃金珍珠為主打,同一般糖水版珍珠嘅味道同咬口都冇唔同,只係色澤金黃,細細粒容易食。 點擊圖片放大 7)珍珠種類多@丸茶手作 除咗黑糖珍珠之外,仲有香芋味、桂花味、芝麻味等等,選擇頗多。 8)八成似喜茶@Sofu梳乎 店內嘅金鳳烏龍奶蓋雖然唔係主打,但係味道超.級.似.喜.茶!!! 金鳳烏龍茶底雖然冇喜茶咁甜,但個味係一樣架!不過佢嘅奶蓋唔係芝士,相對冇咗芝士嘅鹹香,但似喜茶嘅輕芝士版本。聽聞喜茶嘅香港店要排三個鐘以上,但呢間唔使排5分鐘,價錢又平成半,又可以飲到有8成似嘅味道,值得一試! 點擊圖片放大