小妹唔係小櫻Fans,但係主題Cafe對於我嚟講都有一種難以抵擋嘅吸引力。是日小妹相約朋友一齊去位於荃灣嘅Youme Cafe,呢間Cafe一向以卡通人物做主題,今期就以兒時回憶「百變小櫻」做主題。點擊圖片放大 +2 一入Cafe,周圍都係小櫻人物嘅蹤影,牆上、桌椅、裝飾、餐牌... ...仲有一排人形紙牌,全部都係打卡位! 小妹同朋友一行三人嗌咗三樣嘢食,分別係芝士白汁蕃茄肉醬薯仔長粉($62)、便當盒(分別有飯糰、腸仔、枝豆、玉子燒、煙肉蘆筍卷、草莓、火腿)($88)、芝士漢堡排蕃茄雞肉燴飯拼米紙沙律+星形薯餅+章魚燒($82),味道一般,同一般Cafe水準無異,完全冇驚喜位,但賣相還算可以。小妹原以為會有人物造型嘅食物出現,例如基路仔形飯糰呀咁,點知只係以卡通樣米紙取代,令我有啲失望。 芝士白汁蕃茄肉醬薯仔長粉($62) 芝士漢堡排蕃茄雞肉燴飯拼米紙沙律+星形薯餅+章魚燒($82) 便當盒(分別有飯糰、腸仔、枝豆、玉子燒、煙肉蘆筍卷、草莓、火腿)($88) 嘢飲方面,小妹只係嗌咗一杯「雪兔」綠茶($34),熱綠茶配上櫻餅,米紙上有雪兔哥哥嘅樣,製作同樣係有啲Hea。 不過呢度有樣好,就係每嗌一樣嘢都會送上一款卡通人物嘅杯墊,作為小櫻粉絲嘅朋友好開心,不過小妹就感覺唔大。點擊圖片放大 店名:Youme Cafe 電話:22123456 地址:荃灣眾安街2-8號周合成大廈3樓 營業時間:星期一至日12:00 - 22:00 Blog:http://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331