小妹日前摷番啲相,發現唔記得咗同大家分享喺「點心代表」食嘅蠟筆小新點心,雖然依家佢已經轉咗主題(好似係Emoji)但由於佢啲點心真係好鬼抵死同得意,所以都係忍唔住要同大家分享,希望唔好介意資訊比較舊。 門口有個大小新畀你任影,正! 話說個人都係一個蠟筆小新迷,對於佢成日除褲Show大象呢個行為睇十次笑足十次,而「點心代表」亦將佢呢個個人特色融入喺點心入面,食到人哋紅都面晒!好似呢個蠟筆小新朱古力流心包【大象朱古力流沙包 $49】咁,面頭嘅公仔就係小新Show大象同Pat Pat嘅圖畫,正到爆!點擊圖片放大 大象朱古力流沙包 $49 三兄弟鮮蝦餃 $49 矇矇豬蝦餃海鮮腸粉 $49 小新桃味特飲 $39 小白朱古力特飲 $39 除咗小新主題嘅點心,仲有其他特色點心,好似笑哈哈形象嘅燒賣同奶黃包,特飲有【西瓜特飲 $49】同【香水菠蘿特飲 $49】,用新鮮果肉打成果汁,又放番入去個水果殼入面,充滿熱帶風味!點擊圖片放大 【西瓜特飲 $49】 【香水菠蘿特飲 $49】 聽聞依家點心代表嘅主題係Emoji,有時間都要去試吓! 店名: 點心代表 電話:28071682 地址:中環德己立街1-13號世紀廣場地庫