韓仔韓女出咗名鍾意坐Cafe,除咗可以用免費Wifi,三五知己揸住杯咖啡吹吓水、Chok吓,大學生做吓Paper玩吓Facebook,為嘅就係一個字,「型」!韓國有好多特色Cafe,小妹將曾經到訪而又出名嘅11Cafe集結出嚟同大家分享,睇吓大家又去過幾多間!未去過嘅朋友仔下次遊韓都可以放入行程入面,感受一下韓國Cafe嘅氣息。

1)月鳥戀月茶屋

隱藏喺仁寺洞小巷入面嘅「月鳥戀月」,門外冇連鎖Cafe嘅大招牌,亦冇一流嘅裝修,如果唔係特登去搵,你一定會「行過路過定必錯過」!原因無他,佢隱蔽於無形,首先要穿過一條完全唔起眼嘅小巷,當你見到一個門前種滿綠色植物嘅舊式綠色框木門,就知道係佢喇!嚟呢度嘅文青,全部都係韓國人,一個遊客都冇呀(除咗小妹同朋友)!不過呢度飲嘅唔係咖啡,而係韓式養生茶,尤其係木瓜茶,據聞對氣管好同有解酒功效,小妹素來氣管唔多好,又鍾意飲酒,所以一定要試!仲有韓國人最愛嘅水正果茶,不過個人覺得個味有啲假,怪怪哋咁,不是我杯茶!所有茶類都附送韓菓子,非常貼心!有時唔飲咖啡,飲吓養生茶都幾好!P1014504

P1014524

P1014527

木瓜茶,入面仲有經醃製嘅木瓜果肉

木瓜茶,入面仲有經醃製嘅木瓜果肉

水正果,又名柿餅汁,由柿餅、桂皮、姜、黑胡椒、蜂蜜或紅糖製成,有松子作點綴。

水正果,又名柿餅汁,由柿餅、桂皮、姜、黑胡椒、蜂蜜或紅糖製成,有松子作點綴。

韓式菓子係送架!每人兩件!

韓式菓子係送架!每人兩件!

2) 傳統茶園

同樣位於仁寺洞嘅「傳統茶園」,係耕仁美術館入面嘅「古代版」Cafe,憑古色古香嘅韓屋特色吸引唔少文青到訪,尤其係古老嘅建築配合濃郁嘅茶香,都別有一番風味!呢度分室內同室外兩部分,通常外國人會鍾意坐室外,因為室內嘅櫈同枱都幾矮,對身高18嘅佢哋嚟講都幾辛苦,小妹見過有外國人入嚟坐,屈晒成個身就張枱食嘢,佢自己都笑咗!呢度飲嘅都係韓式傳統茶,如五味子茶、柚子茶、人參茶、細雀綠茶等15種傳統茶,小妹對於細雀好好奇,所以嗌咗一杯,飲落甘甘哋,愈嗒愈有味,再配合埋個環境,以為自己穿越咗!!夏天去到仲有冰柿做小食,雖然只係雪凍咗嘅紅柿,但係熱辣辣食番件,都真係人生一大樂事,韓國人真識歎!P1014690

室外

室外

室內

室內

細雀綠茶

細雀綠茶

冰柿

冰柿

牛奶抹茶都有呀!!!

牛奶抹茶都有呀!!!

 

附送韓式菓子

附送韓式菓子

3)Beanbins coffee

Beanbins coffee」可以話係遊韓必食嘅鬆餅專門店,皆因佢嘅士多啤梨鬆餅同芒果鬆餅係韓國Cafe界嘅翹楚(至少我認為係!冇一間好食得過佢),連台灣節目《食尚玩家》都特別介紹。以超級多果肉見稱嘅鬆餅即叫即整,新鮮出爐熱辣辣,外脆內軟,配合多汁清甜嘅果肉、冰涼嘅雪糕同幼滑忌廉,食晒成個都唔夠!由於士多啤梨鬆餅係冬季限定,而小妹每次去都係夏天,所以只係食過芒果鬆餅,咁都已經一試難忘,相信士多啤梨更誘人!P1013312

4)I’m Coffee

叫得自己係「Coffee」,一定有咖啡飲,不過呢度除咗咖啡,原個哈密瓜雪糕冰先係賣點!店家先將哈密瓜挖空,然後一層牛奶刨冰、一層密瓜肉咁填滿成個密瓜,最後擠上牛奶雪糕,呢個Size真係要三至四個人先可以食得晒(但小妹同朋友越級挑戰,兩個人食晒成個)!不過講真,個密瓜冇想像中甜,惟獨雪糕超讚,軟滑得嚟又充滿牛奶味(韓國啲雪糕都好重牛奶味),所以都係一個驚喜位!P1013048

P1013078

5)Innisfree Cafe

位於三清洞Cafe街嘅「Innisfree Cafe」,係韓國美容品牌Innisfree 全韓首間 Cafe,亦係現時全球唯一一間 Innisfree Cafe,樓高三層,底層專賣品牌化妝品同護膚品,獨家產品如純天然調配嘅面膜都係只此一家,獨家發售。中層同上層係Cafe,推出唔少清新純天然嘅特飲同小食,每款都同品牌嘅理念形象結合,好似濟洲柑刨冰,以濟洲島盛產嘅柑做主打,將濟洲柑果醬、果乾、果肉淋上刨冰,酸酸甜甜,非常清新開胃,同品牌一樣咁FreshP1014768

P1014783

6)Line Cafe

如果你鍾意Line公仔,呢間Cafe一定係你杯茶,因為全部食物同飲品都有幾位主角元素!好似小妹嗌嘅芒果布甸同牛奶咖啡… … 個樽,就有佢哋個嘜頭,幾「打耳」!而最開心嘅係,個樽可以拎走,當然小妹係向職員證實過先咁做。如果大家想「私有化」啲樽,可以先將樽拎去洗手間洗咗先,咁就唔會笠黐黐啦!P1012524

P1012567

P1012584

7)O’sulloc Tea House

打正綠茶產品旗號嘅「O’sulloc Tea House」,可以話係綠茶迷嘅打卡熱點,無論係卷蛋、刨冰、特飲定下午茶套餐,都係店內嘅熱賣產品。小妹早已聞得佢嘅綠茶Tea Set同卷蛋係遊客必嗌,於是都叫埋一份,個Tea Set雖然比起一般酒店嘅Afternoon Tea係輸蝕,不過勝在真材實料,綠茶味香濃,尤其係招牌綠茶醬三文治,咬落去會爆醬,要一路食一路啜手指!仲有綠茶雪糕,透心涼又充滿綠茶香,I Love It!個卷蛋唔喺個Set入面,原因無他,因為呢樣係綠茶指數最爆燈嘅甜品,由蛋糕到Cream都係由綠茶整,擺入個Set會蝕大本架!

明洞店

明洞店

20151103_124136

綠茶Afternoon Tea

綠茶卷蛋

綠茶卷蛋

Green Tea Latte

Green Tea Latte

8)CaFACE

諧音Cafe嘅「CaFACE」,將CafeFace結合,就係將人嘅樣放入咖啡入面,吓?!點放?各位只需用店內特設嘅相機影低自己個樣,店員就會將你張相印喺咖啡面,咁你就可以「飲」自己個樣!話說早前香港都開咗一間,好多文青都慕名而至。

2016-04-24-19-37-03

2016-04-24-19-42-07

2016-04-24-19-45-16

不過有規定,一杯咖啡一個樣,買兩杯先可以合照,大家要留意喇!

不過有規定,一杯咖啡一個樣,買兩杯先可以合照,大家要留意喇!

首次出樣呀~~各位

首次出樣呀~~各位~~

9)小赤豆

同樣以韓屋做招徠嘅「小赤豆」,位於北村韓屋附近,以傳統紅豆甜品做主打,如果大家有印象,Do姐同王菀之拍攝嘅節目《超齡打工假期》都曾經嚟過,仲食咗最出名嘅紅豆年糕牛奶冰,香濃嘅牛奶冰鋪滿韓式銅碗,再淋上粒粒分明軟腍嘅紅豆蓉同咬口十足嘅韓國年糕,份量十足,一碗唔會夠囉!小妹嗌埋碗熱嘅傳統紅豆湯,一凍一熱玩冰火,爽呀!P1011994

P1012006

紅豆湯(熱)

紅豆年糕湯(熱)

紅豆年糕牛奶冰

紅豆年糕牛奶冰

10)Starbucks

咪以為Starbucks冇乜特別,韓國Starbucks先係最特別!喺香港Starbucks完全唔起眼嘅藍莓芝士餅,喺韓國呢度完全令小妹瘋狂!皆因佢唔係一件件賣,而係一個個賣!價錢都只係港幣$50到(但香港一件要$34),所以如果鍾意食藍莓Cheese Cake嘅朋友,千祈唔可以錯過!仲有韓國限定嘅布甸,除咗原味,仲有朱古力味同最近新推出嘅密瓜味。2016-04-24-16-33-30

藍莓芝士餅,超級多藍莓呀!!!!

藍莓芝士餅,超級多藍莓呀!!!!

2016-04-24-16-35-54

11)My Juice

用飲水樽裝果汁真係夠晒Gimmick!位於弘大嘅「My Juice」主打新鮮即榨果汁,客人可以揀樽嘅大細,然後先揀兩至三種生果Mix,小妹覺得芒果同菠蘿好似會好飲啲,所以試吓,點知真係超級正,果肉豐富又唔會太甜(即是冇落糖水),加上個樽可以拎走,之後又可以用嚟當水樽用,好環保呀!P1012960

買之前揀樽嘅Size先

買之前揀樽嘅Size先

雪櫃擺滿各式新鮮蔬果

雪櫃擺滿各式新鮮蔬果

芒果菠蘿汁

芒果菠蘿汁

P1012976

This entry was posted in 商務接待, 家庭聚會, 情侶約會, 時令, 特色餐廳, 甜品/飲品, 生日派對, 知己聚會, 韓國菜, 食材 and tagged . Bookmark the permalink.