人哋話男人嘅浪漫係豆腐火腩飯,而港女嘅浪漫梗係名牌撈飯啦!話說小妹好友係知名品牌Tiffany & Co.嘅忠實粉絲,當佢發現半島酒店同品牌Crossover推出下午茶嘅時候,即刻Mark實我個Schedule,約我浪漫一番。

「紐約神韻」特色下午茶(「New York Spirit」Afternoon Tea)

「紐約神韻」特色下午茶(「New York Spirit」Afternoon Tea)

連餐牌都係藍色呀~~

連餐牌都係藍色呀~~

Tiffany & Co.為大堂茶座獨家設計嘅瓷器套裝。

Tiffany & Co.為大堂茶座獨家設計嘅瓷器套裝。

其實半島嘅下午茶小妹試過好多次,每次都係食佢嘅Classic版本,今次呢個合作又確係幾正,皆因半島同呢個品牌一直合作無間,我指嘅當然唔係食物,而係餐具,Tiffany & Co.除咗喺1988年喺半島酒店商場開設首間專門店外,亦為大堂茶座獨家設計瓷器套裝,深藍金邊點綴嘅米白色瓷器,大家一定唔會陌生,但今次破天荒嘅Afternoon Tea Set Crossover,小妹都真係想試一試,因為經典加經典,真係好難抗拒(雖然我對粉藍色盒仔冇乜特別喜好)。P1015344

呢個「紐約神韻」特色下午茶(「New York SpiritAfternoon Tea)同半島以往嘅下午茶一樣,都係以三層架為主,底層係半島嘅經典英式提子鬆餅伴Clotted Cream及有機士多啤梨果醬,食過半島Afternoon Tea嘅人都知,英式鬆餅係最具代表性嘅元素,由於經過兩次烘焙,所以外皮特別香脆,內層酥軟,小妹最難忘半島下午茶嘅就係佢嘅鬆餅!P1015340

中層以鹹點為主,蘑菇忌廉脆撻(左起)、 燻牛肉酸瓜三文治、煙三文魚香草忌廉麵包圈同傳統嘅醃青瓜三文治。小妹覺得蘑菇忌廉脆撻同燻牛肉酸瓜三文治最好食,前者撻皮酥脆可口,內裡混合香草、洋蔥、忌廉同蘑菇嘅餡料勁Creamy香滑,層次感十足;至於後者,小妹完全唔覺得係食緊牛肉,肉嘅鹹香配合微酸嘅醃青瓜,啱啱抵消咗個飽膩感,爽口清新。P1015388

至於上層當然係個下午茶嘅「神韻」所在啦!一片Tiffany藍簡直令一眾港女尖叫,青檸椰子杯子蛋糕(左)灑滿椰絲同Tiffany藍、白色糖珠,同一貫Cup Cake一樣都以甜為主,但勝在充滿椰子香,而糖珠脆脆哋亦令口感更豐富。

經典Tiffany藍色盒子蛋糕(左二)其實係雲呢拿慕絲草莓橙皮果醬杏仁海綿蛋糕,以品牌經典藍色糖漿鋪面,再以酷似吹波糖口味嘅糖膠拉成白色蝴蝶結狀作點綴,仲唔係品牌個盒仔!呢個甜品最令好友心動,即刻揸機狂集郵呃Like

紐約芝士餅配藍莓忌廉牛油酥餅(右二)造型有啲似歐式圓拱形建築,賣相一流,但只係普通嘅紐約芝士餅,無甚特別。

至於馬達加斯加雲呢拿白朱古力馬卡龍(右)個吸睛度都唔輸畀盒子蛋糕,因為個經典粉藍色真係冇得輸!P1015412

食完之後,酒店會送上一份薰衣草忌廉黑朱古力,上面仲飾有有一塊印有大堂茶座天花滴水獸圖案嘅白朱古力「郵票」,超級Signature!呢度又係一個影相位,就連小妹呢位「講女」都忍唔住要同好友一齊變「港女」!提提大家,個下午茶係六月限定,加上冇得Book,要神咁早排隊(1點到去到已OK),要食趁早!P1015306

大吉嶺紅茶係小妹鍾意嘅其中一種茶。

大吉嶺紅茶係小妹鍾意嘅其中一款茶。

P1015303

 

香港半島酒店 x Tiffany & Co.紐約神韻下午茶

地點:香港半島酒店大堂茶座

電話:2696 6772

供應日期:61日至630

時間:星期一至星期日下午2:00至下午6:00供應

價錢:$358/位、$628/兩位(另收加一服務費)

 

 

This entry was posted in 名人食堂, 商務接待, 家庭聚會, 情侶約會, 特色餐廳, 甜品/飲品, 甜品糖水, 生日派對, 知己聚會, 米芝蓮餐廳/廚師, 美國菜 and tagged . Bookmark the permalink.