情人節就快到,話說好多男朋友唔知送咩畀女朋友,小妹極力推介東海堂赤苺系列畀未試過嘅Couples,雖然早前小妹已經喺FB專頁分享咗試食報告,但係都仲未正式喺Blog發布,所以趁情人節將至,即刻送上試食報告,畀各位廿四孝男朋友參考!!

美人の赤苺($338) 成個蛋糕有超過20粒士多啤梨,王牌果然係王牌!

美人の赤苺($338)
成個蛋糕有超過20粒士多啤梨,王牌果然係王牌!

P1013764 (2)

切開之後會清楚見到士多啤梨啫喱、士多啤梨慕絲、士多啤梨Cream 、士多啤梨脆脆同士多啤梨果醬,層次分明!

切開之後會清楚見到士多啤梨啫喱、士多啤梨慕絲、士多啤梨Cream 、士多啤梨脆脆同士多啤梨果醬,層次分明!

「美人の赤苺」($338)可以話係東海堂嘅王牌,香甜嘅日本赤莓佈滿成個士多啤梨蛋白蛋糕,內層有士多啤梨啫喱、士多啤梨慕絲、士多啤梨Cream 、士多啤梨脆脆同士多啤梨果醬,食落清新微酸但又帶甜美果香,層次極豐富,面層襯金箔,高貴大方,送畀尊貴嘅女朋友最冧!

瑰白‧約定($438) (圖片來源:東海堂)

瑰白‧約定($438)
(圖片來源:東海堂)

最近東海堂更趁情人節推出高貴版蛋糕,滿足一眾女士虛榮心,「瑰白‧約定」($438)嚴選日本限量出產嘅珍貴白草莓,配以香濃幼滑嘅牛奶慕絲同輕盈嘅蛋白蛋糕,代表住戀人彼此珍貴嘅愛。

赤莓‧約定($218) (圖片來源:東海堂)

赤莓‧約定($218)
(圖片來源:東海堂)

至於「赤莓‧約定」($218)亦採用日本赤莓,甜美嘅草莓恍如寶石般晶瑩誘人,配上幼滑忌廉同草莓啫喱,口感豐富,最啱小倆口喺情人佳節締造甜蜜時刻。

日式草莓慕絲卷($19)

日式草莓慕絲卷($19)

如果覺得上面嘅蛋糕太貴,其他細Cake都好經濟實惠!「日式草莓慕絲卷」($19)以前都推出過,以海綿蛋糕包住幼滑嘅慕絲同新鮮嘅赤莓果肉,蛋糕軟熟綿密,草莓香甜但一啲都唔酸,配花茶或果茶,味道會更濃郁!同情人泡一杯果茶享用,都幾Sweet

鮮草莓果撻($20)

鮮草莓果撻($20)

而「鮮草莓果撻」($20)的骰精緻,細細件撻就有2.5粒日本赤莓,性價比高,原粒赤莓鋪滿脆撻,配合幼滑嘅Cream,撻入面係海綿蛋糕,口感豐富多層次。個人覺得呢個小點甜度較高,嗜甜嘅女朋友應該好鍾意!

東海堂網站: https://www.aromebakery.com.hk/cakelittle/indextc.html

部分資料參考:東海堂

This entry was posted in 情侶約會, 日式菜, 甜品/飲品, 甜品糖水 and tagged . Bookmark the permalink.

2 Responses to 情人節氹女朋友「糕」興是常識吧?
  1. 資訊科技 says:

    D蛋糕好靚丫~!

Comments are closed.