大家有冇聽過罐頭打開唔係羅宋湯,唔係粟米湯,唔係洋蔥湯,而係我哋成日喺酒吧飲嘅Mocktail?呢間位於旺角染布房街、名為「聖卡索」嘅特飲店創意多多,鍾意搞搞新意思,將罐頭同特飲嘅概念融合,將Mocktail注入罐頭入面,成為玩味十足嘅夏日特飲!

喂!呢杯明明係罐頭,點會係特飲?

喂!呢杯明明係罐頭,點會係特飲?

打開都係罐頭噃... ...

打開都係罐頭噃… …

OMG!呢個咪係我喺酒吧飲嘅Pina Colada?點解嘅?點解嘅? 椰林風光$28

OMG!呢個咪係我喺酒吧飲嘅Pina Colada?點解嘅?點解嘅?
椰林風光$28

大家都知道,喺酒吧飲一杯Mocktail分分鐘要成$40起跳,但喺呢度就價錢親民$28,而且仲可以飲到同酒吧差唔多LevelMocktail,性價比咁高,真係飲多幾杯都唔覺肉痛!雖然小店開唔夠一個月,而且地點有少少隔攝,不過就已經喺區內略有名氣,佢推出嘅9款唔含酒精Mocktail,款款色彩繽紛又甜甜哋,大人細路都啱飲。主打嘅椰林風光(Pina Colada)係將牛奶同椰漿打成沙冰,然後混合菠蘿注入罐頭入面,調配好之後就用店內嘅封罐機封實,將一杯Mocktail立即變成特飲!由於佢已經封實咗個罐,客人唔單止可以即開即飲,仲可以拎走外帶,不過一定要喺兩個鐘內飲用,因為要喺佢凍冰冰嘅時候飲先至正!

老闆娘用呢部封罐機將罐頭封實,Magic!

老闆娘用呢部封罐機將罐頭封實,Magic!

另一款亦係店內嘅「鎮店之飲」,藍色嘅騷豪7號(Soho 7)充滿活躍嘅汽泡,感覺就好似藍色嘅香檳,加入荔枝汁、梳打、Blue Bacardi Virgin,飲落清爽涼快,就好似喺大海入面暢泳一樣,一個字,爽!雖然依家正值冬天,過兩日又話凍到會落雪,但作為勇於嘗試嘅香港人,冬天飲凍嘢是常識吧?

老闆娘即場調校特飲,藍色嘅騷豪7號($28)望落就好跳入去游吓水先!

老闆娘即場調校特飲,藍色嘅騷豪7號($28)望落就好想跳入去游吓水先!

P1013965

另外仲有愛在香光(Love in HK)、螺絲批(Screwdriver)、21歲(Age 21)、衝紅燈(Run Redlight)等特色Mocktail,全部都係無酒精,啱晒我呢啲蒲吧蒲到厭想靜吓但又想飲番杯嘅人!

小店亦會提供一般嘅熱朱古力同咖啡,但最令我意外嘅係,佢真係有忌廉粟米湯同忌廉蘑菇湯賣,仲要係用普通外帶嘅咖啡杯裝,搞到小妹R晒頭兼忍唔住要寫個「服」字,皆因Mocktail用罐頭裝,而罐頭湯就用咖啡杯裝,咁大反差又咁有創意,想唔寫個「服」字都唔得!

P.S 罐頭、咖啡、Mocktail傻傻分不清的小妹今次冇飲到咖啡杯忌廉粟米湯,下次一定要飲!

好多人以為小店個名叫Pina Colada,其實係叫「聖卡索」!

好多人都畀佢個大橫額誤導,以為小店個名叫Pina Colada,其實係叫「聖卡索」!

P1013955 P1013952

小店最矚目就係呢個罐頭牆,影相打卡呃Like最啱!

小店最矚目就係呢個罐頭牆,影相打卡呃Like最啱!

P1013949

牆上有Menu同解釋咩係Mocktail。

牆上有Menu同解釋咩係Mocktail。

店名:聖卡索 St. Castle 

電話:5986 5157

地址: 旺角染布房街19號地舖

營業時間:星期一至日: 12:00-22:00 (開到夜晚10點咋!記得早啲去呀!)

This entry was posted in 其他, 特色餐廳, 甜品/飲品, 甜品糖水, 知己聚會 and tagged . Bookmark the permalink.

2 Responses to What?罐頭湯特飲?係罐頭湯定特飲?罐頭.咖啡.Mocktail傻傻分不清!
  1. 這新產品不錯,謝謝博主分享。

Comments are closed.