上網見宣傳有個 點心放題,價錢好優惠,$148/位任食2小時,仲要是食物出品好的利寶閣,一於去試下!佢仲要星期六日公眾假期都有得食! 入座後侍應會送上原隻鮑魚酥及花膠灌湯餃,每人一份 (小童除外) 原隻鮑魚酥:鮑魚軟腍美味,配牛油撻底,酥脆好味 花膠灌湯餃:好大隻! 點心粉麵飯甜品,即叫即做/蒸,選擇都多,超過五十多款﹐每位仲額外送原隻鮑魚酥及花膠灌湯餃!如日式放題般,大家想食咩就入紙叫返幾多份食! 去相睇食物! 特別推介 蒜香雞中翼 肥美大隻,外脆內裡肉仍然juicy! 雞蛋豬腳薑 醋甜而帶辣 豬腳好腍但皮又好趙口 蘿蔔絲酥餅 即叫即炸,上碟仲好熱,咬開蘿蔔絲好甜好爽口! 酥皮焗叉燒包 外脆內裡叉燒好甜好味 整體食物味道好 員工服務都不錯 如果食物上得再快D, 就 perfect! 利寶閣 網址: https://s.openrice.com/QrbS0e3y3W0~uic3TAw 地址: 上環德輔道中199號無限極廣場2樓 電話: 27999383