海馬媽我並不是日日放工都沖返去煮飯,久不久都會同 Honey 出去試下不同的餐廳 (說穿了是我想懶惰一下),尋找美食,大家有新環境、試好野,又有機會增進感情~ 上星期試了朋友介紹的一間工廈內的 西餐私房菜 挺特別~ Sharing: - 唔洗諗食咩、大廚發板 - 8道菜食到好飽 (睇相睇有咩食) - 材料新鮮、味道好 - 環境簡潔、有家的感覺 - 歡迎親子同行 雖然話大廚發板,但訂枱時可與大廚溝通更改菜單內不合口味的菜式 另外,小朋友是不收套餐費用的,只會加少少食材費,好開心小寶寶都可一起品嚐美食 . . 當晚menu (2人份量) 南非生蠔:好鮮味,濃郁海水味 迷你牛肉漢堡(小孩獨享) 可愛的做形,迷你的size,牛漢堡好淋身,唔捨得一口放入口! 周打魚湯: Creamy 濃郁 柚子汁田園沙拉 白酒煮活蜆 蜆肉肥美,用白酒汁煮成,更香更美味! 美國Prime西冷:是晚最喜歡的一道菜,牛扒煎得剛好,肉香四溢!上菜時仍鎖住好多肉汁在內,肉質軟腍又帶少少肥,放入口即溶 自家蕃茄茸意粉 簡單用蕃茄粒及洋蔥粒,配上自家醬煮成,意粉每條都掛上蕃茄茸,簡單材料但啖啖滋味~ Tiramisu . . 食完8道菜好回味生蠔及西冷牛扒,原來餐廳還可以訂精選海鮮凍肉,生蠔只係$12/隻起! 開party 可以試下叫到會