之前首訪唐宮小聚覺得佢地的點心和新派菜有特色得黎味道又唔錯,點心外型精緻又可愛。近來餐廳更衝出港島區,在尖沙咀新港中心開設分店,地點尚算就腳。今次吸引小妹既係新推出的型格黑金流沙包,第一次見咁型既中式包點,頓時變得新潮起來,岩晒相機食先的小妹! 首訪: http://connie-hk.com/social-place-2/ 原文網址: http://connie-hk.com/social-place-TST 點擊圖片放大 新分店的環境好大好闊落,裝潢明亮光鮮,牆身以淡雅的淺藍色配以白色作主調,配合了帶點懷舊復古風的地磚,還有精緻不俗氣的擺設,令人感覺舒適甚具氣氛,很好拍照!而且坐位很多,感覺還分了不同的坐位區域。 近門口的位置更有一張可供多人坐的乒乓球檯,別具特色。 二人至四人檯,檯與檯間滿闊落。 還有梳化座位和多人位置等。 點菜紙 很盞鬼的碟子 最後我地揀左幾款係尖沙咀店先有既特色點心,好似黑金流沙同點來聚聚等,而家消費每位仲會送半隻唐宮招牌的白玉王鴿,皮脆肉嫩,頗抵食的。 黑金流沙 $49 分店新開張而新推出的型格黑金流沙包,素來相機食先的小妹當然衝著佢而來!一籠三個流沙包,真係仿似一件藝術品,夠型又靚,估唔到一個中式包點都可以整到咁潮! 以竹炭粉所製的黑色包子面頭掃了可食用金粉,麵包質感很鬆軟輕柔,裡面滿滿的流沙奶黃餡一摵傾瀉,香滑的奶黃餡充滿陣陣蛋黃香,帶點鹹甜交雜的味道,好食。 點來聚聚 $69 一籠五個不同味道的點心砌成的點心拼盤,賣相固然精彩。五款包括:芋蓉流沙、檸檬蝦餃、蜂巢棗糕、青豆苗餃、墨魚汁餃。 小妹先從甜的芋蓉流沙食起,芋蓉餡以新鮮芋頭打成,摵開真係見到淺紫色的芋蓉餡,食落味道香甜,陣陣芋頭香,一個唔夠食啊! 上一次已食過的檸檬蝦餃,入口有淡淡清幽的檸檬味,內裡蝦肉份量多又彈牙,係外皮稍為厚左少少。 外皮黑蚊蚊的墨魚汁餃,由墨魚汁所製,裡面填滿黑松露蝦餡,食落陣陣松露香撲鼻,蝦肉爽彈,真係好好食! 咬落煙煙韌韌的蜂巢棗糕,帶甜甜的棗味,又有益氣安神之效,不錯。 蒓菜魚丸 $59 蒓菜又名「蓴菜」,網上資料指營養價值高,又能清熱解毒,據說很常用來煮魚丸湯,所以唐宮便將蒓菜加進這道菜式中,再加入魚丸和雞湯燉約4小時。先飲一啖湯底味道清甜,蒓菜質感滑溜,味道較不明顯。 魚丸便使用了杭州菜的方法,將新鮮魚肉刮下再加入蛋白製成。魚丸質感很棉很鬆軟,有點入口即化的感覺,是很特別的口感,魚味明顯也討好。 雲南氣鍋 $59 一盅盅雲南氣鍋的燉湯很有中國風味,以雞、豬肉、椰子片和雪耳一齊燉,底湯很甘甜,味道很夠又無味精感,入面仲有好多雪耳在內,好飲! 陳釀醉蟹 $69 店家採用江蘇蟹先煮熟,再以話梅、汾酒和太雕兩款不同的酒調配成的基底浸泡一段時間,製成凍蟹。蟹身食落酒香醉人、甘醇入味,其黃色蟹膏頗甘香惹味,就略嫌醉蟹較細隻,食得未能盡興。 粉墨登場 $99 小妹一向不太好墨魚,所以淺嚐左兩啖全交比男人食。加入墨魚汁的炒飯,食完唔會成棚牙都變晒黑色;另外仲加左蛋白、瑤柱和薄荷葉落去炒,味道同蛋白瑤柱炒飯差唔多,多左重墨魚的微香,飯都炒得夠乾身,面頭仲放左幾隻墨魚仔,整體味道是不錯。 黑白兩凍 $36 兩款果凍分別係綠色的開心果凍和榴蓮奶凍,奶凍的質感頗滑,開心果味道的入口要細嚐一陣先會慢慢食得出,味道不算很明顯;榴蓮奶凍的榴蓮味頗濃郁,仲食到點點果肉,值得一試啊! ※本文以用餐當日的環境、服務和食物質素為準,口味亦因人而異,文章只作參考之用。 唐宮小聚 地址: 尖沙咀廣東道30號新港中心3樓303號舖 電話: 3168 1362 / 3168 1363 營業時間: 星期一至日: 11:30-16:00; 17:30-22:30