小妹近來去了這間位於灣仔的餐廳 (相信都係一間酒吧?!),去到時看到門面小小的,原來樓高兩層,二樓放了數個座位,坐得也是舒服。 原文網址: http://connie-hk.com/Aroma 點擊圖片放大 二樓充滿著復古的氣息,牆上貼了懷舊黑膠唱片和海報等,看上去很有味道!小妹也很喜歡檯上美美的圖案,拍照作為背景相當不錯啊! 看看餐牌,供應各款不同的中西fushion菜,有分Tapes to Share, Side Dishes, Main Dishes等,仲有不同的但好似沒有甜品了?(網上見到有)而且年輕老闆好好人,好細心的介紹返菜式比客人。雖然可選的款式不多,但不少都是特別的新派菜式和口味,價錢不貴,所以揀左幾款黎試試。餐飲就由紅/白酒到Mocktails和咖啡都有,種類很多!(飲品餐牌在文末) (另收加一服務費) Lemonglass Soda $38 點了一杯可令人放鬆的Lemonglass Soda,香茅的味道真係頗強烈,而且味道特別,小妹發覺真係唔太岩我口味,所以推晒比男人飲,哈哈! Deep-fried Cauliflower $48 (Parmesan Cheese & Curry Mayo) 椰菜花輕炸過後,裡頭加上巴馬臣芝士碎、蔥花和辣粉,仲有底下的咖哩汁,椰菜花咬落爽口,帶點香辣和咖哩的味道甚為惹味,整個材料配搭新穎,味道也是不錯的。 Cheese Pumpkin Cake $58 (Diced Winter Cured Meat) 一客五件的南瓜芝士餅,食落煙煙韌韌滿似麻糬的口感,南瓜味頗重的,加上面頭的臘肉碎,鹹甜交雜的味道更豐富和惹味,就是不知芝士去那了?! Deep-fried Chicken Wings $68 (with Preserved Egg Yolk) 平時超愛食黃金蝦既小妹,見到呢個鹹蛋黃漿炸雞翼梗係要點黎試下。一碟約有10隻單骨雞翼,全都沾上鹹蛋黃漿拎去炸到金黃色;仲見到上面痴住粒粒鹹黃碎架(勁邪惡!)。 咬落頗脆且炸粉不厚,帶有陣陣蛋黃香, 個陣鹹蛋黃香就無平時食黃金蝦個隻味道咁強烈,所以食落無咁膩,罪惡感又無咁重,係一道好不錯又香口既小食。 24 Hours Sous Vide Pork Belly $228 (With Pickled Leek, Beetroot Puree, Chinese Hawthron Sauce, Pineapple Chutney) 這碟主菜的份量有兩件西班牙烤豬腩肉,望上去其實同平時食開的三層肉如出一轍,就是烹調的方法不同。 慢煮24小時的腩肉係以肥膏,肉、肥膏,肉相間,好邪惡!咬落啖啖肉充滿肉汁和肉香,豐腴油潤;所以餐廳也整了山楂醬、紅菜頭醬和菠蘿蓉等餐客人蘸來食,可以中和一下膩的感覺,一人一件其實已相當足夠! Aroma 地址: 灣仔石水渠街64號地下1號舖 (港鐵灣仔站 A3 出口, 步行約7分鐘) 電話: 3565 6732 營業時間: 星期一至六: 12:00-00:00 星期日: 休息 飲品餐牌↓ 點擊圖片放大