在韓國有70間分店的著同連鎖炸雞店,已是第三次到訪了,每隔一陣子就會推出新菜式,前排在韓劇熱潮的籠罩下推出了芝迷必試的太陽芝士炸雞,當中的農夫包和炸雞更是食得我倆津津有味。 原文網址: http://connie-hk.com/sodam-chicken3/ 首訪文: http://connie-hk.com/sodam-chicken/ 最近天氣開始轉涼少少 (但還是熱!),說到冬天又係芝士火鍋大行其道的時候,看到他們的粉絲頁得知餐廳很快手的推出了「流心芝士年糕 x 芝士火鍋 $268」,價錢不貴,對於同是芝迷的我們也很快手的決定晚上來試試這早來的芝士火鍋! 六時多去到可直入不用排隊,不過七點後又爆場了(建議預先訂位),由於已是三訪便不詳細說明餐廳環境了。 看看餐牌後便點了一份炸雞、芝士火鍋和兩杯特飲,看似點得不多,但這份量其實已經很足夠! 我倆都各要了一杯菊花蜜特飲 $58,有菊花清幽的味道,又解渴,食炸雞必備。 好鍾意食佢地既炸雞,次次都炸得好香脆,肉又嫩!計「蜜糖芥末香蔥炸雞」、「太陽芝士炸雞」後,今次又黎試試其他味道,本來想試比較傳統的甜辣醬口味,但老公就想食比較惹味的款式。 甜蒜炸雞 $88 炸雞上放了紅椒粒和蔥粒等,配上帶點甜味的蒜汁,味道幾似食緊椒鹽豬扒既椒鹽味道,肉質嫩滑,不錯! 流心芝士年糕 x 芝士火鍋 $268 等左約20分鐘個芝士火鍋終於上檯了,火鍋底用上韓國水牛芝士、藍紋芝士、金畢文芝士和巴馬臣芝士四款芝士調製。 火鍋配料包括: 手工流心芝士年糕、紫薯年糕、炸薯條、美國豬仔骨、腸仔、車厘茄、養夫包粒 芝士火鍋既芝士唔會好鹹,食落去芝士既鹹香味會慢慢滲出黎,唔係超濃或太淡個隻,整體都唔錯。 食開芝士火鍋,覺得同佢最夾既都係麵包粒,索晒芝士汁好正!芝士流心年糕都幾特別,有分紫薯同芝士味,咬落煙煙韌韌,芝士味又再突出多少少。 腸仔和薯條都係點芝士醬不錯的配料。 三件美國豬仔骨肉質食落唔會好腍或乾柴,本來沾上帶暖的芝士汁味道唔錯,不過燒烤醬的味道有點重,都將大部份的芝士都蓋過了。 如果純粹想試下味道的話,餐廳有推出經典芝士火鍋 (300ml),配料只有農夫包粒 $128,細細份咁就可以試埋其他炸雞喇。 Sodam Chicken | FACEBOOK 地址: 銅鑼灣耀華街3號百樂中心7樓 電話: 2728 0200 營業時間: 星期日至四: 12:00-23:30 星期五及六: 12:00-00:00 最後落單時間: 星期日至四:22:30, 星期五及六:23:00