去到銅鑼灣,見到有位阿姐係Sogo附近舉起牌子,牌上貼滿餐廳的報導,更標明了味道正宗既喇沙,所以與他就上去食個晚飯嚕。 點擊圖片放大 +3 約七時去到人流不多,座位間頗寬闊的,寧捨舒適。周圍的外牆係用上七彩的木紋窗框圖案堆砌而成,感覺特別呢。 餐牌有分前菜、廚師推介、蔬菜海鮮、招牌喇沙、飯麵等,仲有一個3-4人既套餐選擇 $308,望上去頗抵食呢。 . 而家讚好餐廳專頁,仲可以有免費蝦片一客呢。 . 蜂蜜雪梨 $28 先黎杯蜂蜜雪梨,裡頭有半個雪梨,味道清甜,很滋潤呢。 . 點擊圖片放大 新加坡肉骨茶 (細) $88 這裡的肉骨茶藥材的味道較輕,是較易入口,仍會嚐到點醇厚的味道;而且肉骨煮得腍很入口,材料還有冬菇和豆卜,整體還不賴。 . 可配搭肉骨茶同食的油炸鬼和醬汁。 . 海南雞喇沙 $98 喇沙係小妹近來既至愛,但黎得呢度又想食埋海南雞,不過兩個人始終食唔到咁多,剛好餐廳有供應海南雞喇沙,咁就可以試晒兩樣喇。 . 喇沙既賣相好似頗不錯啊,驟眼睇湯底既顏色味道應該唔錯吧!? 而且料都不少,有豆卜、半隻熟蛋及幾件海南雞。 . 先呷一口湯底,湯底味道濃稠,帶有甜甜的椰香和鮮味,味道易入口又惹味:麵條質感彈牙,掛湯力不錯,還有至愛那吸收了湯汁的豆卜,真係好好味! 雖然當中的海南雞肉質嫩滑,不過配上喇沙好似有點不夾,還是分開上較好。 . 沙嗲半打 (豬+牛+雞各兩串) $78 三種串燒中至喜歡牛肉,肉質咬落鬆化,中間還連帶少許脂肪位,愈嚼愈香。而豬也是燒得頗香的,肉質唔韌,配埋濃郁花生醬味既沙嗲,好食。 . 椒鹽軟殼蟹 $158 呢份椒鹽軟殼蟹真係好抵食,裡頭大約有3-4隻原隻軟殼蟹切開黎炸,每件份量都唔細,熱辣辣咬落啖啖肉夠香脆,配埋椒鹽同食,真係啖啖都好邪惡好惹味。係出面比較少食到這種份量十足既軟殼蟹,就算有都唔夠呢度既大隻,仲有伴碟既四大塊炸蝦片,同樣又脆又好食! . 參峇炒椰菜苗 $78 用上參峇醬黎炒,入口鹹香味十足,椰菜苗咬落都夠爽脆。 . . . 加東 地址: 銅鑼灣軒尼詩道525號澳門逸園中心15樓 (港鐵銅鑼灣站 D2 出口, 步行約1分鐘) 電話: 2196 8086 營業時間: 星期日至四: 12:00-22:00 星期五,六及公眾假期前夕: 12:00-23:00 ================================ (喜歡的,請按讚支持,是給我很大的鼓勵啊 ) Connie's Food and Life Corner