近來突然好想食韓國冰同棉花糖吐司,所以同他食完蛋包飯後,就過對面街有間叫白雪公主既韓式甜品店食飯後甜品。店子既黑底白字,再加埋可愛女孩既圖案,相信吸引左唔少年輕人去光顧呢。 點擊圖片放大 +2 餐廳環境頗迫狹,屬長形格局既大細。近門口位係點餐既地方,仲有個大玻璃櫃放左各款蛋糕和甜品,仲有一款蘋果型既甜品,賣相可愛特別呢。 . 除此之外,店子係主打韓式雪花冰同怪獸雪糕,另外仲有數款甜食多士、現打果汁同咖啡等。 . 側邊仲有個位置係比客人自行拎水飲的,仲要係檸檬水,可以清清味蕾,認真細心。本身好想食棉花糖吐司,但店子暫時無供應,所以就揀左款雪糕同卷蛋黎試試。 . 曲奇雪山雪糕 $42 叫做怪獸雪糕既雪山雪糕,用上可愛的小紙杯載著高身的雪糕,雪糕的賣相頗特別,睇落頗壯觀,上面加左堆Oreo碎,賣相唔錯,令小妹不停影影影。 . 雪糕質地厚身唔易溶,亦唔怕塌落黎。入口頗滑,不過奶味唔算重,甜度稍高,配埋Oreo碎食更添美味,雖然中間係空心,不過食完一杯都好飽。 . 抹茶牛奶蛋卷 $42 呢度既卷蛋份量很多,切得好厚身,等於平時既兩件,可以兩人分享。顏色綠悠悠既卷蛋上用糖粉灑上些圖案,那星星的圖案真係幾突出。 . 不過卷蛋質感頗乾,唔夠鬆軟,抹茶味都唔夠重同香,唯一可取之處係裡頭的忌廉頗滑,唔會有好溜既感覺。 . . . 白色雪花之公主 地址: 元朗教育路44-50號兆明樓地下A舖 ((港鐵朗屏站 E 出口, 步行約11分鐘)) 電話: 2529 4900 營業時間: 星期一至日: 12:30-00:00 ================================ (喜歡的,請按讚支持,是給我很大的鼓勵啊 ) Connie's Food and Life Corner