發覺銅鑼灣既樓上鋪成日都隱藏左唔少味道唔錯又抵食既餐廳。今次就黎到位於百樂中心既「洋蔥」食晚餐。 一出電梯就見到牆壁上都貼滿左客人畫既畫作,某些仲頗有水準的,感覺十分特別呢! . 而且仲貼滿餐廳裡菜式既照片,可以睇岩左先入口呢! . 點擊圖片放大 +4 餐廳環境唔算十分大,但佈置有心思。每張檯更有擺放顏色蠟筆,讓客人可以畫畫呢,感覺心情特別放鬆。 . 呢度可以選擇A la carte,或者揀晚市套餐,套餐價錢由$220-$370,包餐湯、餐前小食、前菜、主菜、甜品拼盤/咖啡茶,所以與他就各人點左個套餐。(另收加一服務費) . 入口微熱既意大利香草包,可配黑醋食。 . 招牌洋蔥湯 此湯用上十幾kg既牛骨連同洋蔥一齊熬,湯裡有絲絲洋蔥在內,而且入口有超濃郁既用牛骨味,味道鮮甜,醇香味濃,洋蔥食落又清甜,好飲! . 迷你蘑菇忌廉撻 作為餐前小食,這個撻也做得頗不錯。撻皮咬落鬆化,蘑菇也夠重。 . 煙三文魚啤梨沙律 好少見到有啤梨在內既沙律,煙三文魚入口軟腍,配埋片片啤梨同食,味道清新,呢個配搭唔錯。 . 法國黃油雞卷釀松露、蘑菇配薯蓉、新鮮蔬菜及迷迭香燒汁 $300 一份有約4件雞卷、配菜有蔬菜及薯蓉,份量都唔少。 . 師傅將全隻雞拆肉再卷,雞卷外皮帶脆,不過內裡雞肉既肉質每件都有點唔同,可能因為唔同部位所至。好似食第一、二件時就比較乾身,肉汁欠奉,但當食後面兩件,肉汁又多返,所以食落都比較好味,有陣陣松露香滲出,但未算濃郁,不過這個配搭其實幾好味。 . 另外都好鍾意個薯蓉,牛油味好重。就連配上的蔬菜都係熱既,唔會凍冰冰,值得一讚。 . 炭燒美國1855肉眼扒配辣薯角、時令蔬菜及紅酒汁 $350 牛扒要左五成熟,見到面頭的炭燒網紋都覺特別好食! 切開後肉質粉嫩色的,肉質咬落鬆化,而且滲出陣陣炭烤味道,牛味滿濃,好食! 就黎薯角食落都好熱辣辣,香口是必然的,太邪惡了! . 甜品-朱古力蛋糕、雜莓醬蛋白餅、朱古力泡芙 甜品拼盤有三款選擇,每款都係小小的,咁就可以每樣都試下,而且碟子仲有用朱古力醬裝飾呢,滿有心思。 . 三款之中最特別一定係雜莓醬蛋白餅,蛋白餅咬落好鬆化,配埋酸酸甜甜既雜莓醬,中和左蛋白餅既甜膩感,好食! . . 洋蔥 Onion 地址: 銅鑼灣耀華街3號百樂中心19樓 (港鐵銅鑼灣站 A 出口, 步行約5分鐘) 電話: 2177 1683 / 6317 6381 營業時間: 星期一至日: 12:00-23:00 ================================ (喜歡的,請按讚支持,是給我很大的鼓勵啊 ) Connie's Food and Life Corner