由於S先生頗鍾意食偏向印度風味既咖哩,所以呢日就黎左食印度菜,除此之外,餐廳更有供應多款西式晚市套餐,望望餐牌又覺得幾吸引啵。 原文: http://concon2016.blogspot.hk/2015/06/tulsi-wine.html#more 點擊圖片放大 +4 餐廳環境和佈置頗有情調,坐位與坐位間唔會好迫,幾適合慢慢傾偈同享受美食。 . 晚市套餐包括餐湯/沙律和烤飽。 . 仲可以散叫印度菜 . 芒果乳酪和青檸梳打 芒果乳酪入口酸酸咪咪好醒胃,不過打得可以更滑溜。 . 忌廉湯,味道正常。 . 焗龍蝦及龍蝦汁配墨魚汁麵 $148 龍蝦上放了芝士再拎去焗,賣相吸引,不過食落肉質有點乾,帶點嚼勁。意粉用上墨魚汁整既,味道唔錯,意粉質地煮得軟腍適中,都食得到墨魚的味道,但配上龍蝦汁反而覺得唔夾,如果有得揀,我寧願再配返墨魚汁,加重墨魚既味道。 . 黑松露烤飽 (4片) $28 印度烤餅放上黑松露醬,就算唔沾咖喱都相當惹味,簡簡單單,連續食幾塊都唔係問題。(叫晚餐set都會跟兩塊架! ) . 咖哩角 (4隻) $38 每隻咖哩角都很飽滿,內裡填滿餡料,以薯蓉和蔬菜餡為主,咖哩味很重,味道唔錯,係S先生既至愛。 . 天多羅燒雞 (無骨) $88 餐牌上,呢款燒雞有分有骨/無骨,無骨就會貴少少,而且側面仲有手指公推薦,唔知同無骨差幾遠?但對於小妹黎講,梗係揀食落啖啖肉既。 . 同一般既印度烤雞一樣都用鐵板上桌,望到烤至金黃色既雞件已經覺得好好味。 . 味道果然無失望,雞肉有用香料醃過,食落惹味,肉質嫩滑多汁,小妹食唔停口。 . 咖哩羊肉 $80 咖喱份量較少,羊肉食落完全無羊膻味,肉質軟腍,味道唔錯。咖哩汁帶點微辣頗頗惹味,配上印度烤餅,好味。 . 香芒印度雪糕 $40 用芒果加上牛奶和一些香料所製既印度雪糕,奶味和芒果味都唔太明顯,冰感較重。 . . . . Tulsi & Wine 地址: 西環般咸道63號采文軒10-11號地舖 (港鐵香港大學站 A2 出口, 步行約8分鐘) 電話: 2517 7077 營業時間: 星期二至日: 11:30-15:00; 18:00-23:30 ================================ (喜歡的,請按讚支持,是給我很大的鼓勵啊 ) Connie's Food and Life Corner