小妹前排入左紅磡一轉,順便去左個排紅極一時既「紅磡雞蛋仔」,佢出名既唔係雞蛋仔同格仔餅,而係圓形一塊塊既班戟。 http://concon2016.blogspot.hk/2015/05/blog-post_30.html#more 點擊圖片放大 +5 約六點半黎到,已經有條小小既人龍,店員一個負責煎班戟,一個負責搽醬,人流去得好快。而當日剩係買班戟先要排,十個有八個都係買班戟,做到無停手。 . 呢款港式班戟近來係其他地方都見到有,小妹就見過係荃灣有喇,不過就只係搽格仔餅既醬,呢間就比較特別,近期大熱既有肉鬆同芒果/雜果餡料。 . 剛好排到我地,店主話芒果肉得返好少,只可以做到雜果芒果比我地,無剩芒果肉,都照要吧! 每個盛惠$10,唔貴又可以買個開心。 . 肉鬆班戟 $10 熱辣辣煎起既班戟有淡淡的蛋香,班戟皮煙煙韌韌,內裡夾住加了花生醬同沙律醬在內,食落咸咸甜甜咁,特別之餘,小妹又幾鍾意喎。 . 雜果芒果班戟 $10 芒果肉大大粒同埋罐頭菠蘿,相信如果剩叫芒果會更加好味,芒果肉頗甜。但相對之下,小妹都係比較鍾意肉鬆個款呢。 . . 紅磡雞蛋仔 地址: 紅磡大沽街寶利閣2號舖 ================================ (喜歡的,請按讚支持,是給我很大的鼓勵啊 ) Connie's Food and Life Corner