睇完戲行完街後,就黎到一早訂左位既Amina Modern Europe食晚餐。餐廳屬於私房菜類型,所以設係樓上鋪,而且大廈外沒有水牌,私隱度頗高,而且不收加一服務費。 http://concon2016.blogspot.hk/2015/05/amina-modern-european.html#more 餐廳環境不大,每張檯都有放上蠟燭,感覺頗浪漫的,最重要是不覺嘈吵,可以靜靜的聊天和品嚐美食。 . 最前方更設有生蠔bar,每天都提供數款不同種類既生蠔,當然不少得就係紅酒。 . 今次我地就叫左晚餐Set,包括麵包、餐前小食、海鮮拼盤、主菜、甜品、餐飲及朱古力,$660/位 (免收加一),價錢唔平,但食材同味道方便你會覺得係值得。 . 來到這裡,當然要先乾一杯啦~Cheers~~ . 先來個餐前麵包,配西蘭花香草醬及煙燻椰菜花醬,不過小妹都係較喜歡前者,因為食落有陣陣西蘭花香氣,頗美味,不過麵包就稍為軔左少少。 . 意大利青瓜凍湯,以青瓜作為凍湯感覺特別,入口味道清清的,很適合這炎炎夏日享用,而且質感滑溜,配上魚子醬脆餅,感覺輕盈美味。 . 先來一個海鮮拼盤,色彩鮮艷,排列得相當豐富,裡頭有長腳蟹腳、生蠔、藍青口,凍蝦和田螺等。 . 拼盤內的海鮮味道都感覺頗新鮮的,生蠔係來自法國的KYS,入口清爽味甜,帶有回甘; . 長腳蟹腳食落啖啖肉,像極粗身版蟹棒咁,食落鮮甜; . 其他如藍青口、田螺等食落都係爽甜彈牙呢。 . (如想散叫生蠔就半打$188) . 湯有兩款選擇,分別為Lobster Bisque及Fennel Oyster Cream Soup。我們倆決定各要一款,那便能試晒兩款味道。 . Soup Lobster Bisque 龍蝦湯打得頗滑,內裡也有龍蝦肉呢,而且小妹很怕那種很苦的龍蝦湯,這裡的卻不苦很易入口,味道也是濃郁的。 . Fennel Oyster Cream Soup 淺嚐了一口這個蠔湯,初入口時有點像在懷疑是否蠔味? 在慢慢細嚐後那股蠔味愈來愈出,不會帶腥,卻有種鮮味,怕蠔的人也很易接受,內裡仲有隻廣島蠔呢,感覺很足料。 . Main Red Wine Braised Beef Cheek (紅酒燴牛面肉) 第一次食牛面肉,據說這牛面珠要燴約兩個鐘,再用大火炆三個鐘,前後加埋五個鐘,所以食落相當入味,肉質夠軟腍,食落質感帶點黏黏的,每一口都是享受;底下以薯蓉墊底,薯蓉質感頗滑,配上紅酒汁,很惹味的;另外也配上一些蔬菜,像露筍和粟米等,可以平衡一下飽滯感。 . Cod Fish Roll w/Butter Lemon Cream Sauce (鱈魚配牛油檸檬醬汁) 鱈魚配上牛油檸檬醬汁,旁邊還有些小蕃茄和新西蘭韮菜作裝飾,賣相別緻。鱈魚似入口嫩滑,還帶有幽香的牛油檸檬汁,感覺輕盈,女士們相信會喜歡。 . Dessert Cream Brulee w/Egg White Mousse (法式燉蛋配蛋白慕絲) 面層的焦糖很脆身,燉蛋甜度適中,質感細滑,蛋味頗濃,配上滑滑的蛋白慕絲作點綴,不錯呢。 . Coffee or Tea 飯後餐飲,可選擇要咖啡/茶,店方更會拿出一個盒子,內裡更放了新鮮花茶,和川寧茶包讓客人選擇,小妹就要了一個熱伯爵茶來消化一下。 . Homemade Chocolate (Green Tea, Raspberry, Macadamia, Truffle, Cacao) 唔好以為上埋餐茶就完左成個餐,其實仲有最後一道菜,就係自家製既朱古力,感覺滿有驚喜呢! 一客五款不同味道,小妹試左Raspberry同Truffle,朱古力入口頗滑且味道濃郁,整體黎講挺不錯。 . . . Amina Modern European 地址: 尖沙咀金馬倫道54-56號龍記大廈5樓A號舖 (港鐵尖沙咀站 B2 出口, 步行約4分鐘) 電話: 6018 0244 營業時間: 星期一至日:18:30-00:00 ================================ (喜歡的,請按讚支持,是給我很大的鼓勵啊 ) Connie's Food and Life Corner