上環真係一個美食雲集既地方,上篇先分享完一間樓上西餐後,今次就分享世瑛大廈內的一間西班牙私房菜。 原文: http://concon2016.blogspot.hk/2015/05/sabor-spanish-touch-private-kitchen.html#more 餐廳內座位不多,如果想黎食最好就先訂定位,西班牙私房菜晚餐 $520/位,共七道菜 (不設加一收費)。 . 點擊圖片放大 +3 餐廳內的佈置頗骨子,以掛上一些畫作和裝飾為主;還有那開放式廚房,可以一睹廚師們的廚藝。 . Pa Amb Tomaquet (蕃茄多士) 一坐下先端上這個蕃茄多士,焗至鬆脆的多士上放上些蕃茄蓉和香草,味道酸酸的很醒胃。 . 另外餐廳也提供橄欖同薯仔小食,小妹食了薯仔的也頗好味。 . Grilled Cuttlefish with alloli Potato sabor (白酒煮墨魚粒 配意大利蕃茜蒜頭醬) 將墨魚切成方形一粒粒後再拎白酒同香草炒香,咬落爽口彈牙,配埋蕃茜蒜頭醬,很滋味呢。 . Garlic shrimp (橄欖油蒜片蝦) 一上桌那股蒜香已令人垂涎三尺,用上大量蒜片、橄欖油和大蝦所煮,上到檯仲係超級熱辣辣,內裡有八隻已去殼大蝦,食落啖啖肉又爽口彈牙,放埋大量蒜片同食真係好好味! . 點擊圖片放大 Potato Sabor (薯片撈半熟蛋) 西班牙小食,將薯片和煙肉伴上半熟蛋同食,第一次品嚐這味道,食食下又覺得幾好味,佐酒一流。 . Wild Mushroom Soup (野菌蘑菇湯) 呢個蘑菇湯比較特別既係上面既泡係用蛋白打成,而底下就係蘑菇湯,不過質感未算好滑,味道可以再濃點,感覺味道就係同平時飲開既有少少唔同。 . Fruits Sorbet (雜果雪芭配魚子) 中途先黎個雪芭清清味蕾,味道清甜。 . Seafood Paella (西班牙海鮮炒飯) 呢度既海鮮炒飯用上魚湯及蝦湯熬製後再拎去焗;而且份量都好大啊,一大鑊內有蝦同蜆肉,食落味道濃郁惹味。 . Tiramisu Foam with Homemade Ice-cream 最後有自家製既Tiramisu同紅莓雪糕。 . 呢度既Tiramisu頗特別,同平時唔同既係,係將Mascarpone cheese打成泡,底下同樣配餅碎。建議一羹不到底,味道輕輕既cheese配搭味道較重既餅碎比較突出和美味。 . . 自家製既紅莓雪糕,果味濃郁幽香,小妹很欣賞呢。 . 整體黎講食物都幾好味又特別,就是價錢稍高了點;而餐廳的開放式廚房,煮食時油煙味滿重,抽風系統唔夠,希望店方能改善一下。 . . Sabor Spanish Touch Private Kitchen 地址: 上環永樂街1-3號世瑛大廈6樓601室 (港鐵上環站 E1 出口, 步行約2分鐘, 大廈入口在永和街) 電話: 2481 8828 / sabor@live.hk 營業時間: 星期一至日: 18:30-23:00 ================================ (喜歡的,請按讚支持,是給我很大的鼓勵啊 ) Connie's Food and Life Corner