睇戲前,同S先生先去荃灣醫肚,一早揀好左友人推介既印度菜「巴巴站」,其實之前食過幾間印度菜後,對印度菜好感度提昇,咖哩、油酥餅、同印式烤雞等,諗起都想食。六點幾去到,得我地一檯客,不過七幾昤開始座無虛席。 原文: http://concon2016.blogspot.hk/2015/02/blog-post_27.html 點擊圖片放大 +2 店內環境亦較細,相信只可容納十幾人,如果一多人環境會幾迫狹。內裡的燈光都比較幽暗,牆上仲掛住個大白版寫左些特別菜式像紅蘿蔔布丁、意大利香腸薄餅、檳城喇沙、冬蔭公湯等,估唔到原來呢間除左食印度菜外,仲有泰國菜等,很多元化。 . 先看看食物,兩面的餐牌選擇頗多,而且店子都有提供兩款二人套餐,分別係$258或$298,店員大力推介$298話抵食,不過最終我地都係點左$258個個外加一款小食,因為套餐都有晒我地想食既食物呢。 二人套餐 $258包括: -包餐湯/汽水 (可加$15享用特飲) -印度雜菜咖哩角+春卷+胡椒餅 -(雞/牛/羊/雜菜)咖哩+油酥餅+白飯 -(雞/牛/羊/雜菜)烤餅卷 -印度糕點 . 飲品我地揀左兩罐汽水 . 印度雜菜咖哩角+春卷+胡椒餅 炸春卷有兩條,兩條都唔同的,小妹就食左有網紋個條,食落剛炸氣熱辣辣,入面有條條雞絲,夠晒香口;兩件漲卜卜既咖哩角,夠熱同脆,內裡填滿薯仔同雜菜,香味濃郁。 . 當中小妹比較最愛的都呢塊胡椒餅,咬落香脆,帶有陣陣胡椒既脆餅,上面放左些生洋蔥粒、蕃茄粒同蔥粒等,食落清新又惹味,喜歡的仲可以點些附上的薄荷醬。 . 羊咖哩+油酥餅+白飯 (少辣) 我地叫左羊咖哩,咖哩汁帶點微甜,拎黎點油酥餅好惹味;酥餅煎得外脆內軟,唔會好油膩。但如果個白飯可以轉埋酥餅,或者讓客人二揀一就更好,因為一塊唔夠食呢,好似鍾意食酥餅較多既小妹就有點唔夠喉。 . 內裡的羊肉食落有咬口,而且騷味不重,很滋味。 . 牛烤餅卷 一條分開兩件的烤餅卷,只要撕下鍚紙就能方便享用。外皮食落煙韌,內放了大量生菜絲、蕃茄、洋蔥、牛肉及一些醬汁,味道清新配埋牛肉及醬汁又多添了份惹味,而且唔會好乾同易散開,讚。 . 芭堤雅豬頸肉 $58 一碟頗多片的,雖然都係泰式豬頸肉,但味道同平時既燒豬肉有點唔同,食落味道係甜甜的,肉質都算爽彈,同樣可點酸辣醬同食。 . 米布甸 本身以為二人餐會係一人一份甜品,原來得一個要Share。 . 米布甸係印度菜出名的甜品,主要係以米、奶同糖所製,雖然叫布甸,不過質地軟身,食落仲帶有陣陣香料味,唔太岩我口味。 . . 巴巴站 BaBa's Station 地址: 荃灣海壩街81號地鋪 (港鐵荃灣站 A1 出口, 步行約6分鐘) 電話: 2608 4270 營業時間: 星期一至日: 11:30-00:00 ================================ (喜歡的,請按讚支持,是給我很大的鼓勵啊 ) Connie's Food and Life Corner