放題開到成行成市,要搵到質素好既認真唔易。今晚相約左友人食晚餐,選址位於佐敦的大喜家放題,地鐵站D2 對面就係了,相當方便。 晚上7時入座$218/位,任飲任食兩小時,啤酒同汽水任飲,但要記住過半數先可入座。Facebook打卡仲有特選美食一份送呢! 點擊圖片放大 Facebook打卡仲有特選美食一份送呢! . 點擊圖片放大 +2 我們被安排坐在卡位,座位很闊落,不像某些放題店坐到背貼背的,食都食得唔舒服。 . 而啤酒汽水都係自己出去拎,有一系列的樂天飲品呢,像檸檬茶,蘆薈汁和芒果汁等。 . 點擊圖片放大 一坐下先點些刺身,款式唔少,除左一些大路款式,帶子、北寄貝、赤貝肉、鯛魚柳、油甘魚、飽片、醋青魚和原隻甜蝦都有,切得都算大片。 一盤上桌,用乾冰造出噴煙既視覺效果。這盤有三文魚、象拔蚌、八爪魚、甜蝦、帶子和北寄貝。帶子食落夠鮮甜,不過略嫌切得有點細,不過既然可以無限落單都還可以。 . 吉列炸蝦卷、玉子小卷、蟹籽沙律、吞拿魚沙律 壽司軍艦類都做得不錯,最起碼紫菜是脆身的,估唔到小妹同你都鍾意食埋D咁平款式既壽司 (笑),果然係同道中人。 . 韓式炒蜆及韓式豬頸肉 都係同一種味道,泡菜醬汁來煮的炒蜆和豬頸肉,食落頗惹味,而且豬頸肉食落夠爽彈,炒蜆亦無沙,唔錯。 . 牛舌 友人超愛既燒牛舌,大大片牛舌咬落爽口又惹味。 . 芝士焗元貝 元貝焗得剛剛好,唔會太乾同鞋口,加上了芝士和沙律醬一同焗,嫌有點落得重手左,幸好仍不失滋味,但超級邪惡。 . 燒蕃薯 入口先來陣牛油香,蕃薯食落很甜,一連食左幾串。 . 翠玉瓜 一串兩大塊翠玉瓜,經輕燒過後咬落仍然多汁,不錯。 . 牛肉薄燒 在牛肉片上放了些蔥花和蒜頭捲著燒,超香口的說,不過油份較多,頗油膩。 . 燒菠蘿 菠蘿輕輕燒過,咬落很甜呢! . 蟹粥 蟹粥裡有一隻蟹腳,但味道略嫌頗重口精。 . 紫芋甘栗薯餅 . 芝士年糕 . 友人的燒秋刀魚 . 飯後甜品更有幾款雀巢既雪糕,但由於同友人都太飽所以無試嚕! 而且這裡既服務態度都很不錯,回頭率很高! 大喜家日本料理 地址: 佐敦彌敦道219號莊士倫敦廣場10樓 電話: 2156 3572 營業時間: 星期一至日:12:00-14:30, 18:00-23:30 ================================ (喜歡的,請按讚支持,是給我很大的鼓勵啊 ) Connie's Food and Life Corner