[荃灣] 韓閣 ‧ 荃灣區抵食韓國菜,亞之媽炸雞好食有驚喜!晚上六點餐都有供應抵食什餐

初時見到荃灣新開既韓國餐廳「韓閣」,一直諗緊會唔會係好普通既港式韓國菜,但食完之後真係滿有驚喜,特別係「亞之媽甜炸雞」真心好食有驚喜,性價比很高,兩星期去左兩次了,打緊呢篇食文既時候準備去第三次嚕!

 

原文網址: http://connie-hk.com/korean-loft-cafe

 

餐廳既環境佈置比較似cafe般,有很多精緻的小擺設,但座位不多,一眼睇晒。

餐牌上款式很多,很多都想試,價錢都相對較經濟;最重要係佢地既午市餐牌係去到六點鐘架,六點前去到落單就可以食到午餐價的晚餐了,好抵食!

落單後送上前菜:泡菜、芽菜和菠菜

叫套餐或鐵板會送上自家熬製的清甜牛骨湯

夢幻蝶豆花特飲及橙汁菠蘿梳打 各跟餐+$12
兩杯飲品都很解渴,有著漸層顏色的蝶豆花特飲影相一流,橙汁菠蘿那杯飲落特別清新,食炸雞岩晒!

甜辣黃金豆腐磚 $38
將炸豆腐炸至外脆內軟,貌似簡單的炸豆腐,面頭淋上甜辣醬已經非常開胃惹味,小妹超愛這味!

鐵板牛肉 $52
初時會以為係漢陽苑個種甜甜地的鐵板烤牛肉,上枱先知係比較似牛小排個類,食落味道偏似中式小菜,但味道是不錯的,下飯一流!

亞之媽傳統甜辣炸雞(半份) $88
價錢比平時動不動一盤炸雞賣成兩三百蚊既韓國炸雞店平一大截!佢地既味道仲要唔錯,兩個星期已經食左兩次!特別推薦佢地既「亞之媽」炸雞,半份炸雞都大大碟,有成六七件雞,咬落雞皮炸得非常香脆,肉質嫩滑多汁(係雞胸位有點乾)就算放耐左先食咬落去都仲出晒煙,配埋小妹至愛既甜辣醬,很有驚喜!

韓國蟹醬石鍋飯 $68
呢排男人頻頻試個d一罐罐既韓式蟹膏醬,對我黎講真係唔岩食!好唔識欣賞,似蝦乾味多過蟹味,味道太唔真實了!咁岩個日去到韓閣,見到呢個飯好抵!

石鍋飯有松葉蟹肉、蟹膏同蟹籽,望落好抵食,男人見到當然又想試!一上枱賣相又幾好啊,望落都幾足料!蟹膏再唔係蝦乾味,終於係正常既味道,拌勻黎食都會食到蟹膏既味道。不過一加左韓式大醬,蟹味接近全被遮蓋,建議加少少好

 

 

韓閣 | Korean Loft Cafe
FACEBOOK、IG
地址: 荃灣路德圍運通街地下10M號舖 (港鐵荃灣站 A1 出口, 步行約3分鐘)
電話: 39568101
營業時間: 星期一至日 11:30 – 23:00
※本文以用餐當日的環境、服務和食物質素為準,口味亦因人而異,文章只作參考之用。

This entry was posted in 九龍, 家庭聚會, 情侶約會, 特色餐廳, 知己聚會, 韓國菜 and tagged , , , , , , , , , , , , , . Bookmark the permalink.