[中環] 樂香園咖啡室 ‧ 久違了的招牌滑蛋叉燒飯

講到小妹在茶餐廳的碟頭飯至愛,必定非「滑蛋叉燒飯」莫屬!可惜香港茶餐廳的滑蛋飯大多是以生粉加蛋煮成的透明茨汁,蛋香欠奉,立即吸引力大減!想食到美味既滑蛋飯,除左大坑順興外,樂香園都係小妹心水之一。

 

原文網址: http://connie-hk.com/lok-heung-yuen-central

 

星期六中午專呈同男人去中環「樂香園(蛇竇)」食佢地既招牌滑蛋飯,男人想試好耐喇!對於樂香園小妹並不陌生,因為以前在上環的分店,正正就係小妹公司附近,周不時都會去食午餐,只是轉工後,分店都結業了,只剩一間總店在中環,而且收得較早(晚上七點),通常要放假轉程去食。

星期六一點鐘去不到人流不多,輕鬆入座。餐廳位置不多,人流多時會坐得較迫,也少不了要搭枱;不過很多人密密食完就會走,翻桌率算快。

餐牌上只有16款指定的碟頭飯可叫,仲有三文治、粉麵類和自家製的麵包等。不過以前有食過佢地既麵包同批類只覺一般,都係食返招牌飯好了!(沒套餐,全要單點)

一人一碟滑蛋叉燒飯唔使爭,唔想食叉燒既話仲有蝦仁/牛肉揀,不過小妹都係覺得配叉燒係最夾最好食。

滑蛋叉燒飯 $42

滑蛋叉燒飯即叫即炒,兩碟飯好快就上枱。不再係芡汁滑蛋,鋪滿白飯上的係富蛋汁的炒滑蛋和叉燒,少不了要灑上蔥花,忘了要多蔥會更好食!滑蛋入口軟嫩富蛋香,叉燒就一般水準,最緊要不會太乾柴,落點甜豉油拌飯食更惹味啊!

凍檸茶 $20 (少甜)右圖

價錢頗貴的一杯,估唔到茶底不澀,篤檸檬後甜酸度適中,好飲!

如果你問我順興同蛇竇邊間好食?對我黎講兩間都唔差的,不過順興的蛋味食落會再突出少少。

 

樂香園咖啡室
地址: 中環機利文新街8-12號地下
(港鐵上環站 E1 出口, 步行約5分鐘)
電話: 25221377
營業時間: 星期一至六 07:00 – 19:00、公眾假期全日休息
※本文以用餐當日的環境、服務和食物質素為準,口味亦因人而異,文章只作參考之用。

 

This entry was posted in 香港 and tagged , , , , , , , , , . Bookmark the permalink.