[上環] Cafe Bauhinia ‧ 夏日夢之田園下午茶 | 香蕉花生醬朱古力棉花糖超邪惡!!

某個星期六終於同到老公去食我地第一次既hightea喇,要好好將呢日紀錄落黎!其實平時真係好少會食hightea,因為我地食量驚人,真係怕食hightea會攝牙隙唔夠飽,不過呢度既食得飽之餘又幾好味啵。這間專食下午茶的Cafe就位於上環西港城附近的後巷內,完全估唔到小巷內會有這麼一間下午茶專門店,而且還不止一間呢!

原文網址: http://connie-hk.com/cafe-bauhinia/

推門進內與外邊的地盤形成一個強烈對比,Cafe裡頭的周圍都放上了美艷動人的花裝飾,在我檯旁的架上也放了數個玻璃瓶玫瑰花,整個環境充滿著醉人雅緻的感覺,來光顧的客人可以說是清一色的女性在品嚐這裡精緻的下午茶。

店子偶然還會有些花藝班上呢 (詳情請留意店子FB PAGE)

跟著上面的5個簡單步驟便可以得到一個DIY小手作的機會,是一條很精緻的”幸福小水晶球頸鍊”呢!

經親切的老闆娘介紹下便要了一份夏日夢之田園下午茶 $468/2位 (另加一)。這份下午茶還包括了兩杯飲品包括芒果西瓜冰和藍蝶花青檸梳打,加錢可轉咖啡或其他特飲。

有著浪漫動人的紫色藍蝶花青檸梳打,顏色真係好靚!藍蝶花更具明目作用,飲落無明顯花香,係一杯充滿青檸味的消暑飲品;芒果和西瓜組合的沙冰,上層係芒果冰,下層係西瓜冰,飲落陣陣果香,清新好飲!

這一份有著青青草原氣息的下午茶分為兩層,上層以鹹點為主,下層的抽屜拉出來便是各式各樣的甜品。

鹹食包括:
挪威煙三文魚忌廉芝士青瓜牛角包、大蝦配泰式醬、意大利巴馬火腿配青瓜串、香濃芝士通心粉角配他他醬。

小妹向來不喜歡三文魚的味道,所以挪威煙三文魚忌廉芝士青瓜牛角包都比左老公食,佢就話牛角酥咬落酥脆,三文魚加上青瓜,味道輕怡又好食。

已去殼的大蝦配泰式醬,蝦肉爽口加埋泰式醬很惹味;意大利巴馬火腿配青瓜串,咬落有青瓜的爽脆和既巴馬火腿的鹹香,這配搭確實好好食!

香濃芝士通心粉角配他他醬,老闆娘有過黎問我地知唔知呢款係咩食物,我倆仲以為係炸魚塊之類,原來係芝士通心粉角!其實之前係其他餐廳食過,但完全記唔起。熱辣辣食真係幾好食,裡頭有濃郁車打芝士味,食完夠飽足又滿足。

甜食包括:
朱古力忌廉香蕉杯、青檸雪葩、七彩繽紛水果杯、士多啤梨牛奶布甸、芒果藍莓忌廉甜撻、香蕉花生醬朱古力棉花糖。

老闆娘建議先食會易溶的青檸雪葩先,雪葩的清新味道比雪糕來的討好,仲要係青檸味可清清味蕾和飽滯感。

香蕉花生醬朱古力棉花糖,小容器內暖熱的香蕉花生醬同半溶的棉花糖,用上麥餅挖下去,一次過品嚐三種滋味,花生醬好濃好好食呀!

朱古力忌廉香蕉杯,食落好似食緊啖啖Nutella味既mousse,香濃而不錯。

反而芒果藍莓甜撻牛奶布甸就相對較一般,如果牛奶布甸可轉做芒果布甸會更開心!
Cafe Bauhinia | Facebook
地址: 上環新街市街23號地下
(港鐵上環站 B 出口, 步行約7分鐘)
電話: 2368 9339
營業時間: 星期一至日: 11:30-19:00

This entry was posted in 情侶約會, 特色餐廳, 甜品/飲品, 知己聚會, 香港 and tagged , , , . Bookmark the permalink.