襯電影未開場,我倆又走黎呢度食個飯後甜品。開揚式既鋪面,仲有幾個位置可以供客人堂食。 點擊圖片放大 +2 記得年幾前都有黎呢度食蛋糕,個時一口氣試左四、五款蛋糕,連麵包都有試埋。最印象深刻應該係個款美腿造型既蛋糕,到而家都覺得呢款係佢地既招牌蛋糕,個時仲專登叫黎比相機食,但最後都因為太懶無出到篇文,有點可惜。 . 無黎一排,而家連曲奇都有,蛋糕款式望落同樣吸引,款式多,每款造型都頗精美的。而且仲有熱茶、咖啡和沙冰等供應呢,可以坐低慢慢嘆。 . 最後同他一人揀了一款,Violet Rose $42,玫瑰味荔枝蛋糕,用上荔枝、玫瑰和紅莓所製的慕絲,質感頗細緻;中間係荔枝味果凍,底下係海綿蛋糕。食落有感玫瑰味蓋過左荔枝既味道,陣陣濃郁的玫瑰幽香,但又唔會覺好重香精味,鍾意玫瑰味既可以試下。 . ToFu Cheese Shooter $39 一小杯既份量唔多,面層係食蘋果金寶既金寶脆脆,底下係好幼滑既豆腐芝士,食落豆腐味慢慢滲出,愈食愈重豆香,好食! . . Harlan's Cake Shop 地址: 尖沙咀彌敦道100號The ONE 4樓L411號舖 (港鐵尖沙咀站 B1/ N5 出口) 電話: 2911 4788 營業時間: 星期一至日:11:00-22:00 ================================ (喜歡的,請按讚支持,是給我很大的鼓勵啊 ) Connie's Food and Life Corner