[銅鑼灣] 傷心酸辣粉私房菜 ‧ 晚市搖身一變變成四川私房菜餐廳 ‧ 有水準既四川菜,愈辣愈過癮


話說之前搵傷心酸辣粉既店位置時,先知道原來係銅鑼灣有間叫傷心酸辣粉既私房菜,據聞呢間私房菜日頭都有賣普通既酸辣粉同小食,而晚市就搖身一變變成四川私房菜餐廳,呢個方案又幾好啵。

同他平時郁係食西餐較多,反而好少食辣,始終小妹都唔係好食得辣,但近來又偏向愛食口水雞同酸辣粉,所以同他決定黎刺激一下味蕾。

餐廳既環境暗暗的,每檯都有一個蓮花燈裝飾,頗浪漫的感覺,這天我們被狼排坐坐卡位,卡位頗寬闊的,坐得幾舒服。
.

餐牌的食物款式不少,由一般既麻辣小食到鮑參翅肚都有,豐儉由人。最後我地叫左每人一忠湯同四款食物,已經飽到上心口。
.
淮山杞子日月魚燉竹絲雞 $68
呢度既老火燉湯很足料,湯入落好鮮甜,而且有多款燉湯選擇,黎到必叫。
.

老城都蒜泥白肉 $52
將白肉切成薄片,面頭再放上已將蒜蓉磨成的蓉狀,入口除左有超勁既蒜蓉味外,仲有陣陣帶點嗆喉又惹味既辣味感。食落好刺激,辣下辣下,咁又清晒成碟。
.
燒椒皮蛋 $48
用上溏心質素既皮蛋,晶瑩既外皮,入口質感綿綿,加埋惹味又帶點辣既燒椒,讓人忍唔住一口接一口。
.

翠雲水煮桂花魚 $268
嘩,見到上面放滿晒紅噹噹既辣椒係咪覺得一定好辣好辣呢?! 大家又唔使咁驚,其實食落無想像中咁辣架,反而係麻既感覺較重,真係會食到咀唇無晒知覺咁,但又會一路想再食。
.
用上透明幼身薯粉,質感頗滑,一路食一路麻辣很過癮。不過小妹還是更喜愛扁身薯粉,食落好似更加滿足。而魚肉已貼心的去晒骨,肉魚入口細嫩,可以安心品嚐。
.
薑茶水中花 $28
入口薑味勁重,一小啖已經很有辣勁,由於小妹怕薑,所以都由他幫我食光吧! 而且個水中花(其實係豆腐黎)真係好靚好有意景。
.
.
傷心酸辣粉私房菜
地址: 銅鑼灣渣甸街50號渣甸中心10樓
(港鐵銅鑼灣站 F1 出口, 步行約2分鐘)
電話: 2567 9808
營業時間: 星期一至日:12:00-23:00

================================
(喜歡的,請按讚支持,是給我很大的鼓勵啊 
This entry was posted in 中國菜, 家庭聚會, 情侶約會, 特色餐廳, 香港 and tagged , , . Bookmark the permalink.