近黎韓式燒肉開到周圍都係,梗有一間係左近,但其實食既野都係差唔多。對比日式烤肉既食店,無前者開到咁普及,較紅既日本烤肉店都各有各優勢。 原文: http://concon2016.blogspot.hk/2015/02/blog-post_26.html 前排黎到位於佐敦既「和匠日式燒肉店」,店子門面裝潢得很有日本風,不過那道趟門確係有點難拉。 . 點擊圖片放大 +2 入到店內坐位唔多,客人可選擇正常坐位或者選擇坐面對牆壁位都可以。 . 由於店子所供應的肉類都無醃製過,讓客人可品嚐每種肉類原汁原味的味道,最出名的當然係招牌「飛驒牛」,不過今晚小妹就未有品嚐。 . 餐廳牌上既選擇其實都多,客人可選擇要套餐或者散叫;沙律、珍味、豬/牛/羊/雞、海鮮、菜揚物、炸物、和食、燒物、串燒、湯、拉麵/手打烏冬、炒飯等都應有盡有。 . 店子也有提供一碟三款味道的醬汁,包括柚子汁、自家製燒肉汁(建議牛肉專用)、芝麻醬 (建議雞肉專用),不過要點邊隻醬汁,自己喜歡就好。 . 不過今晚燒個時煙都幾勁下,友人坐個個位有點辛苦,而且仲幾熱下。 . 先要左枝日本知床出產的啤酒,只有5%酒精成份,飲落順口富麥香,頗適合女士飲。 . 點擊圖片放大 豚腩肉(鹽燒) $78 薄切的豚腩肉,上面為脂肪位,把它放在爐上輕輕一燒,很快熟透。咀嚼中邊位帶微脆及脂肪香,頗香口。 . 美國 Prime 牛角切 $148 色澤紅潤既牛角切,食落富肉汁,咬落煙韌有口感,牛味不俗,整體味道不錯。 . 點擊圖片放大 美國 Prime 牛小排 $168 紅紅的一片能看到上面的雪花紋,放在網上燒能看到格格網紋;入口肉質比較柔軟有嚼勁,肉味濃郁。 . 牛舌(薄切)$88 薄切牛,食落香口之餘,質感都頗爽彈。 . 極上黑毛和牛舌(厚切)8PCs $218 真係要即刻講句「呢款厚切牛舌真係堅好味」,小妹推介必試! 由於係厚切,所以燒既時候要耐少少,小心掌握火喉,一咬落質感超爽口彈牙,讓人欲罷不能。 . 原隻烏賊 (鹽燒)$62 一次過的把整條烏賊放落去慢慢炒,當然火喉也是要留意,否則燒過龍,肉質會變得很韌很難食落口,接近熟透既時候塗上些醬汁更好味。 . 今次我地就炒得剛剛好,食落微脆又香口,質感咬落有彈性之餘又夠爽,小妹都食左唔少。 . 雞翼 (鹽燒) 1PC $18 雞翼燒至面層帶金黃色,食落外脆肉嫩,香口又惹味,頗有水準。 . 自家製稻庭手打烏冬 如果想有些飯麵落去,呢度既稻庭手打烏冬都係唔錯既選擇,烏冬入口質感滑溜溜,口感彈牙。 . . 和匠日式燒肉店 地址: 佐敦長樂街23-27號德威大廈地下3號舖 (港鐵佐敦站 B2 出口, 步行約3分鐘) 電話: 2264 8928 營業時間: 星期一至日: 12:00-15:00; 18:00-23:30 ================================ (喜歡的,請按讚支持,是給我很大的鼓勵啊 ) Connie's Food and Life Corner