《中秋節快樂》 祝大家中秋節快樂,今年不能同家人朋友過,有小小心掛掛,雖然新加坡都有中秋節,有月餅,有燈籠,但感覺係兩回事,呢邊其實好多中國人,但感覺中秋節對新加坡一d都唔重要,平時港女中秋節係香港返工都會帶個小燈籠返工,會好興奮同同事講中秋節快樂,是日會放早,翌日會放假,但這邊沒有中秋節假,似乎都無放早。 講到月餅,相信係第一年好恨食月餅吧,平時家中總是月餅多到唔想食,因為會有很多親戚朋友或工作伙伴送的月餅,有傳統的,冰皮,奶皇,或我家鄉的月餅,因為多,所以不懂珍惜,會選擇好味同特別先食,但當港女試過新加坡的月餅後,美心月餅即時變得不普通。 記得早前新加坡既同事問起香港既中秋節,佢話佢好想試下美心月餅,當時港女還傻傻的問為什麼想試美心呢?很普通吧,後來再傾落去我問佢有無食過冰皮呀?佢好快就答我有,呢邊都有冰皮。之後同事分享了新加坡的所謂冰皮月餅,一口咬落去,港女面有難色,很想吐但不能吐,想話好難食但只可以話跟香港的不同,後來港女明白點解佢地想食美心吧,因為佢地聽人講美心好好食,係呀,港女宜家話你知,係好好食,唔止美心,香港既月餅都好好食。 講番個個冰皮月餅,係「香檳朱古力冰皮月餅」,先睇個樣,唔係好似大班個種外面滑滑的,係很粗糙的,似香蕉糕,外邊全是糖,我食個舊係青綠色既,一咬落去係醬,唔係蓮蓉但又唔似朱古力醬,更加無香檳味,反而好重香蕉榚味,而個d醬好似拖肥,中間就放左粒酒心白朱古力,嘩,三種甜味加埋太強烈吧,加上港女唔係咁鍾意食甜野,當時仲未食個半件月餅真係唔知點,原來想一啖成舊放入口就算,但真係唔得,結果食左5分鐘先食完。 所以港女以後會珍惜月餅,祝中秋節快樂,今晚食多d月餅啦 圖片來源:網上圖片