《新加坡奇怪法例》 港女又一見聞,原來新加坡有條法例是除了新加坡國旗,任何人都不得搖旗,港女覺得很封閉呀......如果你話係北韓或中國有這法例,港女尚可以接受,畢竟都是比較政治敏感,但原來新加坡都有咁樣既想法,即使你不是參與政治活動,都不能搖旗,即使係參與慶祝活動,和平的,開心的都不能搖,要搖就搖新加坡旗。 港女覺得,新加坡政府想人民齊心愛國,唔係禁止搖新加坡國旗以為既旗就得,根本又係一個洗腦國家,上個月係新加坡國慶日,港女見到一街都係新加坡國旗甚至有新加坡人既屋企既露台都掛起國旗已經覺得好怪。 所以港女覺得香港真係一個言論自由的地方,我相信你試下係新加坡攪暴動,分分鐘係出軍隊,同埋應該有一班隱形既軍隊,因為所有新加坡藉既男丁都係軍人。 重申一點,封閉國家港女是可接受呢種法例,但真的無料到新加坡有這條法例,亦因為呢條法例,解開左港女部分疑問,例如,點解每行過cake shop都一定有一至兩個蛋糕係寫住I Love SG,部分商舖餐廳都會有新加坡旗,的士或公共交通工具會有呢貼紙”One Singapore” “We Love SG”等等既貼紙。 picture from Google