好耐冇黎呢度食燒肉啦!通常都會揀選一啲特別嘅節日嚟呢度食,因為佢嘅價錢唔算太平,今次揀選男朋友生日嚟呢度食飯,星期四平日晚上,估唔到嚟呢度食燒肉嘅人都幾多,入咗不久都見到有好多客人白行一趟。 試過午餐時間黎過,下午有午市套餐,而晚飯時間只有單點。揀完嘢食之後,職員為我地送上可以點嘅調味料 揀咗四款不同既肉,三款牛肉,以及一款豬肉,賣相相當吸引! 其中一款係比較貴嘅特選日本產和牛肉眼(鹽燒) $550 雖然價錢比較貴,不過相對地脂肪比例均勻程度爆燈,因為係日本產所以和牛肉眼既牛香味頗濃 有邊個款係特選日本產和牛牛排肉,牛排肉脂肪比例相對冇和牛肉眼咁肥美,不過顏色一樣相當鮮艷,燒完嘅和牛,其實部份又知已經溢出,味道方面我幾中意呢款,油香味芳香撲鼻。 幾款肉質各有不同,鍾意食油脂口感嘅一定會愛上日本產和牛,不過因為油膩感頗重,口感相對比較油膩,呢個時候就可以點上檸檬汁減少油膩感。 點擊圖片放大 令一款燒揀選左汁燒,因為有燒肉汁嘅味道,所以燒完牛肉多咗一份燒肉汁嘅甜,就算唔使點任何調味料都已經好好食,雖然係食燒肉,不過最好食嘅時候都係配返碗白飯,咁樣就食得夠飽肚滿足呀! 哎呀!完全唔記得咗影五花肉嘅相,唔好睇佢係豚肉,燒到五花肉香香脆脆,味道認真唔錯,特別係男朋友都覺得呢一份日本產五花豬肉$98真係相當抵食。 最後再點埋兩杯飲品,令今次嘅晚飯畫出一個完美句號。 和牛燒肉‧純 網址: https://s.openrice.com/QrbS0iT0200~uIL_QAw 地址: 尖沙咀東部加連威老道96號希爾頓大廈1樓3號舖 電話: 27233868 —————————————————- 歡迎合作試用.邀稿.出席活動.化妝工作 Rabbii Email : sunnie.rabbii@gmail.com IG : rabbiisunnie FB : rabbii生活日常 U Travel : rabbiisunnie BeautyExchange : rabbiisunnie Blogspot : Rabbii生活日常