【私人珍藏大晒冷】專家教你變古著達人 @ Luddite

兩年前, 偶然機會下走到銅鑼灣希雲街的禮信大廈, 鬧市中的清泉, 簡直發現新大陸一樣.
 
700日後的今日, 舊地重遊, 情懷店舖幾乎全部大執位而唯一堅持理想的, 只有專營懷舊服飾的Luddite.

 
當年過來, Luddite並未開門, 緣慳一面, 今日當然要看過夠, 溫柔而又好客的老闆阿Rex, 竟然對古著、軍品毫無認識的我, 逐一細心解釋
 
 
(明知我係混吉都咁有心, 真令我感動
 
當你一走進Luddite, Rex播放著輕音樂, 你會覺得穿越了隨意門, 走進了西部牛仔, 又滿滿歐陸情懷的忘憂勝地所以我一直說懷舊永遠是令仁愉快.
 
1890年水手用的文件袋 (中), 二戰時期的郵差袋 (左), 法國行李袋 (右), 三個都是鎮店之寶屬非賣品, Rex:「因為唔會再搵到, 我都唔識定價」(百幾年啲皮味, 原來會仲好聞)
 
90年代, Rex於中學時期已經常常於「利時」出沒尋寶, 之後他便遠赴日本修讀時裝從而更加沉迷美式古著, 軍品, 歐洲古著. Rex:「日本真係有好多古著店, 而且裡面好多嘢都畀你任摸」
 
日本畢業後, Rex經朋友介紹而認識「文化屋雜貨店」社長「長谷川義太郎」, 因而入社任職設計師, 繼而得到社長賞識, 6年前便於香港開設了第一間「文化屋雜貨店」.
 
: (Rex就是香港「文化屋雜貨店」的老闆, 即我上星期走訪的獅子, 大頭佛伴你尋寶的攪鬼勝地)
 
6年前禮信大廈「文化屋」的舖位只是萬多元, 但今年業主加租幾倍, Rex唯有忍痛結業. (真係變態業主貪錢怪)
 
去年文化屋年40周年, 同時亦隨著社長退休已結業. 但沒有影響香港分店, 社長對Rex:「全世界只剩你香港一間文化屋, 你創造屬於自己嘅天空啦」(好浪漫, 好有情有義呀!)
 
原來很多來逛店的客人, 看到心水的古着, 竟然會問:「會不會有新??(攪笑咁即係同問陳先生貴姓有咩分別呢?)
 
老闆手執1918年經典Levi’s復刻版,2013年限量501, 當年Rex8000元購入, 曾有一名國內客出價1.5萬元, Rex拒絕了他, 現時已升至2. Rex:「我都無著過, 因為太大條, 木村就有著過」
 
這條加拿大空軍軍服, 是一位外國熟客送給阿Rex,他說:「應該係50年前的出品, 估計今時今日約$2000, 不過我唔賣嘅, 私人珍藏留為紀念㗎」
 
 
現時店內古著與Rex設計的服裝比例大約是一半一半,「布我會用日本, 皮反而香港, 台灣也有用, 其實我會為熟客會訂造服裝, 不過無特別講, 費事太張揚, 我無時間造咁多呀!
衫褲的古着, 現時愈來愈多人接受, 不過Rex:「因為衛生, 鞋就暫時未有返古着, 始終唔係人人接受到」(係呀!!著人舊鞋, 香港人應該幾介意)
 
Rex最新款設計的古著風恤衫, 他加入了水手領的設計, 附有一條拉鏈可以還原變回一頂帽. (老實講, 真係幾靚幾得意喎!)
 
Rex教路:「香港太熱, 所以我主要設計中袖衫長袖褶袖太大舊, 中袖褶起有層次, 又成熟, 好過就咁著短袖」
 
(係喎又學到野, 不過成熟唔啱我咁老, 想後生係米應該著背心?? 我睇中E件黃色, 最近搵得壞蛋太多, 獨愛黃…)
 
這個是二戰時美軍的洗衣袋用扣針, 當年應該每位士兵也有一組20, 每一個號碼代表一位士兵, 至於是否每隊得23名士兵就不得而知.
 
這對木製網球板同樣是Rex的藏品, Rex:「我鍾意木造, 皮造嘅嘢, 我屋企有一個殖民地時代的印度製木櫃, 算係最大件嘅收藏」(原來老闆只係收藏, 佢話佢唔識打網球喎)

Rex推介這本軍褸書:「日本好多講古著嘅書, 香港都無返貨, 所以我去親日本都一定搵下E啲書, E本係個客送嘅, 但我同佢講其實我都有」

 
 

玩開玩具的我都知懷舊玩具天價一樣, 原來古著亦同一道理, Rex:Vintage is more expensive, 舊嘢有故, 有意義應該係要賣貴啲嘅」(無錯! 我儲咗10年嘅玩具死貨, 係時候應該可以回本喇掛)

 

 

 
大仁生活facebook
http://dayanlife.blogspot.hk/2015/06/luddite.html
 
This entry was posted in 消閒, 興趣 and tagged . Bookmark the permalink.