【拆蛋專家】TSUM TSUM 出奇蛋 點解嘅??

今日有少少中伏之感, 因為我一直等候多時的TSUM TSUM 出奇蛋終於有得賣, 我當然二話不說便去買了一條(即10隻).
 
 
深水埗玩具批發街, 售價一粒$15, 如果買4條(40粒), 便可以有批發價$12…

 
 
我足足在舖內猶豫了15分鐘, 不過到最後也買一條便算, 因為我怕有大量重複…(姑寒鬼今日算好彩)
 
 
我家有一位朱古力殺手, 食朱古力真的可以不停口…
 
 
滿足完第一個願望, 對我來說, 最大的驚喜來了, 究竟我可以開到那隻TSUM TSUM呢????~(天呀!!點解我會開到個灰菇娘嘅?? 又話係TSUM TSUM??)
 
 
之後…我望一望蛋紙, 發現問題所在, 原來全套13隻普通版, 只有7隻是TSUM TSUM, 其餘的是其他迪士尼人物呀!! (搵笨呀!!)
 
吓!! 心有不甘, 回家後我便變身「拆蛋專家」, 再開第二粒, 海底女巫, 第三粒, 醫神, 第四粒, Elsa….(有冇攪錯?? 唔係重複一, 就一粒TSUM TSUM都唔畀我…)
 
心灰意冷的時候, SY仍然慶高彩烈:「開埋最後嗰兩個啦…爸爸」
 
撥冷水的阿太:「嘥晒啲朱古力, 睇你都係4隻女巫啦, 駛咩開吖」(真係好鬼衰…我無嘥朱古力, 我包返遲啲食㗎)
 
 
皇天不負有心仁, 最後都開到兩隻TSUM TSUM…(都好過無…不過點解真係難得到咁緊要㗎??)
 
 
PS: 原來TSUM TSUM 零食周圍都有….今日見一生良品有TSUM TSUM曲奇餅, 我沒有買, 因為無玩具送
 
 
百佳又見TSUM TSUM軟糖, 個仁最愛軟糖, 所以即買, 打算放在公司解悶良品…
 
 
這款軟糖算有心思, 起碼每一小包也有不同的TSUM TSUM, (不過軟糖已經夠甜, 唔駛再舖沙糖係面啦…等我食粒糖都好鬼罪惡感) ~善哉!!善哉!!
 
 
This entry was posted in 消閒, 興趣 and tagged . Bookmark the permalink.