【華嫂爸爸開??】塘芳村神秘茶記 ~失而復得的好味

朋友O知道我去元朗華嫂食午餐建議:「有間係華嫂附近嘅小店仲正仲隱世, 仲好食, 朋友話好似係華嫂爸爸開叫【和記】」, !聽完賣點, 如果不去真的對不起自己.
 
元朗 華嫂塘 芳村 神秘 茶記 和記
第一次去和記, 九龍仁不懂路, 於是走到塘坊村輕鐵站下車, 沿「屏竹里」直行落樓梯, 剛巧遇到一位村民, 我便老實不客氣的上前打聽和記的地址

 
元朗 華嫂塘 芳村 神秘 茶記 和記
村民爪爪頭:「和記??未聽過喎食菠蘿包架?華嫂呀?(唔係好似話係佢親戚開嘅), !間野無名架麻, 直行轉右再轉左就係, 唔係你提起都唔知佢叫和記」(!我以為隱世得連村民都唔知添)
 
元朗 華嫂塘 芳村 神秘 茶記 和記
於是我們跟指示向前行, 幸好前面又有一對情侶同樣去和記覓食, 如是者齊齊轉來轉去至一窄巷, 終於到達門前寫著「宏英閣」的「和記」. (普通人一定唔識搵~)
 
元朗 華嫂塘 芳村 神秘 茶記 和記
此時為中午12, 心裡暗喜:「好彩趕得切佢哋12點半前中場休息, 誰知當時大門鐵閘關上, 坐無虛席
 
元朗 華嫂塘 芳村 神秘 茶記 和記
女店員大叫:「上晝我們關門啦, 無位啦!! (! 我哋搭咗成個鐘頭車嚟架…) 唔好意思..你哋下次嚟, 我請你食嘢補數」
 
元朗 華嫂塘 芳村 神秘 茶記 和記
就在我們極度失望的情況下, 阿囝細聲說:「我想去洗手間, 我不好意思, 再走上前問:「可唔可以借洗手間用下呢?, 其時有客人結帳, 醒目的阿太即說:「如果E家有位, 可唔可以賣埋畀我哋呀?
 
元朗 華嫂塘 芳村 神秘 茶記 和記
女店員:「好啦, 不過今日無晒粉麵架啦, 三文治, 菠蘿包好唔好?(有得食, 乜都好, 你話乜就食乜啦, 最緊要有得食…)
 
元朗 華嫂塘 芳村 神秘 茶記 和記
 
終於今餐全部由女店員慈嫂發板. (仲正!! 諗都唔駛我諗其實今日極之幸運, 因為本來同行的情侶得知無位即時離去, 只有我們懶死唔走, 竟然又奇蹟地有得食…)
元朗 華嫂塘 芳村 神秘 茶記 和記 碎蛋沙律

 

我的肚皮很敏感, 每次食到稍微放上涼了小小時間的碎蛋沙律, 很快便要找洗手間, 這裡的蛋沙律超新鮮, 配上甜甜的蕃茄, 愈食愈覺得相逢恨晚.

 
元朗 華嫂塘 芳村 神秘 茶記 和記 鹹牛肉
其實, 我不是太好鹹牛肉, 不過我愛不老不火的煎蛋, 兩者結合為一, 直情加分加至連鹹牛肉也變得好好味.
 
元朗 華嫂塘 芳村 神秘 茶記 和記 菠蘿包
即叫即煮的菠蘿包, 絕對是今日的皇牌. 包身, 煎蛋全部熱辣辣, 令至鮮牛油一上枱已經流口水黃白黃紅的顏色組合, 超級搶眼, 未食我已經不停「吞口水」.
 
元朗 華嫂塘 芳村 神秘 茶記 和記 菠蘿包

我將菠蘿包一分為二, 太陽蛋內的蛋黃配合牛油緩緩流出, 興奮程度拍得住恒指直逼3萬. (好食到無得輸, 如果唔係人哋休息, 我想再叫多一份獨食)

元朗 華嫂塘 芳村 神秘 茶記 和記 菠蘿包
女店員兌現承諾, SY送上兩隻雞翼, 我說:「咁客氣, 你都畀我哋入, 唔駛送啦!(她笑笑口:「我頭先應承咗小朋友麻,
無所謂啦, 大家開心」)
 
元朗 華嫂塘 芳村 神秘 茶記 和記 菠蘿包 雞翼
我們進食其間, 「摸門釘」客人不絕, 店員逐一致歉:「唔好意思, 我們關咗啦唔介意2點半再嚟過啦」, (每日都好多人無得食架?),
「無辦法, 我哋人少, 做唔切, 上晝啲料清晒, 一定要關門去買材料, 下晝先有, 同埋我哋都要食飯呢!!
 
元朗 華嫂塘 芳村 神秘 茶記 和記 菠蘿包
(你哋係米多數做村民生意呀?) 慈嫂:「本來係不過最近唔知點解好多人嚟食, 其實我哋好低調, 夠做就得, 都唔知啲人, 好似你哋咁, 點會識得搵到嚟(好嘢點都收唔埋嘅我諗)
 
元朗 華嫂塘 芳村 神秘 茶記 和記 菠蘿包

 

慈嫂怕羞不願合照, (其實你哋同華嫂係米親戚呢?),
一邊執枱的慈嫂:「都係…(好似話係爸爸??), 係咁上下啦
 
元朗 華嫂塘 芳村 神秘 茶記 和記 菠蘿包
 
(話題被扯開…)下次嚟食我哋個蕃茄湯粉啦包小朋友實鐘意」(一定, 一定! 我一定好快再嚟, 因為我要「噅」妳同我合照麻)
 
 
大仁生活facebook

http://dayanlife.blogspot.hk/2015/04/blog-post_13.html
This entry was posted in 其他, 其他, 新界 and tagged . Bookmark the permalink.